പത്തനംതിട്ട: പമ്പാ നദിയില് നിറച്ചാര്ത്തൊരുക്കി പാരമ്പര്യത്തനിമയില് ആറന്മുള ഉത്രട്ടാതി വള്ളംകളിയ്ക്ക് തുടക്കം. എ, ബി ബാച്ചുകളിലായി 52 പള്ളിയോടങ്ങളാണ് ജലമേളയില് പങ്കെടുക്കുന്നത്. മന്ത്രി കടകംപള്ളി സുരേന്ദ്രന് ജലമേള ഉദ്ഘാടനം ചെയ്തു.
ഒന്നാം സ്ഥാനം ലഭിക്കുന്ന പള്ളിയോടത്തിന് രണ്ട് ബാച്ചിലും മന്നം ട്രോഫി ലഭിക്കും. വേഗത്തിന് പ്രാധാന്യം നല്കാതെ വഞ്ചിപ്പാട്ടുകള്, തുഴച്ചില് ശൈലി, ചമയം വേഷം , അച്ചടക്കം എന്നിവയുടെ അടിസ്ഥാനത്തിലാണ് വിജയികളെ കണ്ടെത്തുക. ജലോത്സവത്തോടനുബന്ധിച്ച് പമ്പയിലെ ജലനിരപ്പ് ഉയര്ത്താന് മണിയാര് ഡാമിന്റെ ഷട്ടറുകള് തുറന്നു. ജില്ലാ പൊലീസ് മേധാവിയുടെ നേതൃത്വത്തില് സുരക്ഷാ സംവിധാനങ്ങള് വിലയിരുത്തി. ജില്ലയില് ഗതാഗത നിയന്ത്രണങ്ങളും ഏര്പ്പെടുത്തിട്ടുണ്ട്.