മെല്ബണ്: വനിതകളുടെ ട്വന്റി20 ക്രിക്കറ്റില് ലോക റെക്കോര്ഡ് കുറിച്ച് ഓസ്ട്രേലിയന് താരം ആലിസ ഹിലി. വനിത ട്വന്റി20യിലെ ഏറ്റവും ഉയര്ന്ന വ്യക്തിഗത സ്കോറാണ് 29കാരിയായ ആലിസ സ്വന്തം പേരിലാക്കിയത്.
ശ്രീലങ്കെതിരായ മത്സരത്തില് 61 പന്തുകള് നേരിട്ട ആലിസ നേടിയത് 148 റണ്സാണ്. 19 ഫോറുകളും ആറ് സിക്സറുകളും ഉള്പ്പെട്ടതായിരുന്നു ആലിസുടെ ഇന്നിംഗ്സ്. ആലിസ 46 പന്തില് സെഞ്ച്വറി കുറിച്ച മത്സരത്തില് ഓസ്ട്രേലിയ 133 റണ്സിന് വിജയിച്ചിരുന്നു.
ഇതോടെ സഹതാരം മെഗ് ലാന്നിംഗ് കുറിച്ച 133 റണ്സെന്ന റെക്കോര്ഡാണ് പഴങ്കഥയായത്. ജൂലൈയില് ഇംഗ്ലണ്ടിനെതിരായിരുന്നു ലാന്നിംഗ് വെടിക്കെട്ട് ബാറ്റിംഗ് പുറത്തെടുത്തത്.
