പുല്വാമ: അവന്തിപൂര് പട്ടണത്തില് സുരക്ഷാസേന ഭീകരനെ വധിച്ചു.പാകിസ്ഥാനില് പരിശീലനം നേടിയ ഭീകരനാണ് കൊല്ലപ്പെട്ടതെന്ന് പുല്വാമ പോലീസ് അധികാരികള് അറിയിച്ചു.നിരവധി ആയുധങ്ങളും വെടിക്കോപ്പുകളും കണ്ടെത്തി.
പോലീസ്-സുരക്ഷാ സൈന്യത്തിന്റെ പതിവ് പട്രോളിങ്ങിനിടെ അവന്തിപ്പുര് മേഖലയിലാണ്ഭീകരരുമായി ഏറ്റുമുട്ടല് നടന്നത്. ഒരാളെയാണ് സൈന്യത്തിന് വധിക്കാനായത്. കൂടെയുണ്ടായിരുന്നു എന്ന കരുതുന്നവര്ക്കായി മേഖലയില് ശക്തമായ തിരച്ചില് സൈന്യം തുടരുകയാണ്.
കശ്മീര് മേഖലയിലെ ഭീകരാക്രമണം നടത്താനായി ലഷ്ക്കര്, ജയ്ഷെ മുഹമ്മദ്,ഹിസ്ബുള് മുജാഹിദ്ദീന് എന്നിവരുടെ സംയുക്ത സംഘം അതിര്ത്തിയിലെ വിവിധ മേഖലകളില് നുഴഞ്ഞുകയറുന്നതിനായി ശ്രമിക്കുകയാണെന്ന് സൈന്യം കഴിഞ്ഞ ദിവസം സൂചനനല്കിയിരുന്നു. ശക്തമായ റെയ്ഡ് തുടരുന്നതിനിടെയാണ് ഭീകരരുയെ സാന്നിധ്യം ശ്രദ്ധയില്പ്പെട്ട മേഖലയില് സൈന്യം പരിശോധന നടത്തിയത്.
