കറാച്ചി: ലോകത്തിലെ ഏറ്റവും മികച്ച നായകന് ഇന്ത്യന് നായകന് വിരാട് കോലിയാണെന്ന് മുന് പാക് പേസര് ഷൊയൈബ് അക്തര്. സമകാലീന ക്രിക്കറ്റിലെ ഏറ്റവും മികച്ച ക്യാപ്റ്റനാണ് വിരാട് കോലിയെന്നാണ് അക്തര് പറഞ്ഞത്.
ഇന്ന് ക്രിക്കറ്റില് മഹാന്മാരായ നായകന്മാരില്ല. കെയ്ന് വില്യംസണെയും വിരാട് കോലിയെയും മാറ്റി നിര്ത്തിയാല് മറ്റുള്ളവരെല്ലാം ശരാശരി നിലവാരം മാത്രമുള്ള ക്യാപ്റ്റന്മാരാണ്. ലോകകപ്പിന് ശേഷം കോലി മികച്ച ക്യാപ്റ്റാനാവുമെന്ന് നേരത്തെ പറഞ്ഞതായും അക്തര് പറഞ്ഞു.
മറ്റു നായകന്മാരില് നിന്നും കോലിയെ വ്യത്യസ്തനാക്കുന്നത് കോലിയുടെ നിര്ഭയമാണ്. സ്വന്തം താല്പര്യത്തിനപ്പുറം രാജ്യത്തിന്റെ താല്പര്യങ്ങള് മുന്തൂക്കം നല്കുന്ന നായകനാണ് കോലി. അതുകൊണ്ടുതന്നെ നിലവില് ഏറ്റവും മികച്ച ക്യാപ്റ്റനാരാണെന്ന ചോദ്യത്തിന് രണ്ടുത്തരമില്ലെന്നും അക്തര് വ്യക്തമാക്കി. തെറ്റുകളില് നിന്നും പാഠമുള്ക്കൊളളുന്ന നായകനാണ് കോലിയെന്നും ബാറ്റിംഗ് ഓര്ഡറിലെ പ്രശ്നങ്ങള് പരിഹരിക്കാന് അദ്ദേഹത്തിന് കഴിഞ്ഞത് അതുകൊണ്ടാണെന്നും അക്തര് പറഞ്ഞു.