Sports

കോഹ് ലിയെ പിന്നിലാക്കി ; വേഗത്തിൽ 2000 ഏകദിന റൺസ് തികക്കുന്ന രണ്ടാമത്തെ ഇന്ത്യൻ താരമായി സ്മൃതി മന്ഥാന

മുംബൈ: ഏകദിന ക്രിക്കറ്റിൽ 2000 റൺസ് പൂർത്തിയാക്കി ഇന്ത്യൻ വനിതാ താരം സ്മൃതി മന്ഥാന. വിൻഡീസിനെതിരായ പരമ്പരയിലെ അവസാന ഏകദിനത്തിൽ നേടിയ അർദ്ധ സെഞ്ച്വറിയോടെയാണ് 2000 എന്ന നാഴികക്കല്ല് സ്മൃതി പിന്നിട്ടത്. 51 ഇന്നിംഗ്സുകളിൽ നിന്നാണ് സ്മൃതിയുടെ നേട്ടം.

അതേസമയം, 2000 ഏകദിന റൺസ് പിന്നിട്ടതോടെ ഈ വനിതാ താരം മറ്റൊരു റെക്കോർഡിനുകൂടി അർഹയായി. ഏറ്റവും വേഗത്തിൽ ഈ നേട്ടം കൈവരിക്കുന്ന രണ്ടാമത്തെ ഇന്ത്യൻ താരം. ഇന്ത്യൻ നായകൻ വിരാട് കോഹ് ലി അടക്കമുള്ളവരെയാണ് സ്മൃതി പിന്നിലാക്കിയത്. 53 ഇന്നിംഗ്സുകളിൽ നിന്നാണ് കോഹ് ലി ഈ നേട്ടം സ്വന്തമാക്കിയത്. സ്മൃതിയ്ക്ക് മുന്നിലുള്ളത് ഇന്ത്യൻ ഓപ്പണർ ശിഖർ ധവാനാണ്. 48 ഇന്നിംഗ്സുകളിൽ നിന്നാണ് ധവാൻ 2000 തികച്ചത്.

ലോക ക്രിക്കറ്റിൽ വേഗത്തിൽ 2000 ഏകദിന റൺസ് തികയ്ക്കുന്ന മൂന്നാമത്തെ താരമാണ് സ്മൃതി. 41 ഇന്നിംഗ്സുകളിൽ നിന്ന് നേട്ടം കൈവരിച്ച മുൻ ഓസ്‌ട്രേലിയൻ താരം ബെലിൻഡ ക്ലാർക്ക് , 45 ഇന്നിംഗ്സുകളിൽ നിന്ന് 2000 തികച്ച നിലവിലെ ഓസ്‌ട്രേലിയൻ ക്യാപ്റ്റൻ മെഗ് ലാന്നിങ് എന്നിവരാണ് സ്‌മൃതി മന്ഥാനയ്ക്ക് മുൻപിലുള്ള വനിതാ താരങ്ങൾ.

ഏകദിന ക്രിക്കറ്റിൽ 2000 റൺസ് നേടുന്ന അഞ്ചാമത്തെ ഇന്ത്യൻ വനിതാ താരം കൂടിയാണ് സ്‌മൃതി മന്ദാന. മിതാലി രാജ്, അഞ്ജും ചോപ്ര, ഹർമൻപ്രീത് കൗർ, ജയ ശർമ്മ എന്നിവരാണ് മന്ദാനയ്ക്ക് മുൻപ് ഈ നാഴികക്കല്ല് പിന്നിട്ട ഇന്ത്യൻ വനിതകൾ.

245 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close