രാജ്കോട്ട്: ഇന്ത്യക്കു വേണ്ടി 100 അന്താരാഷ്ട്ര ട്വന്റി20 മത്സരങ്ങള് കളിക്കുന്ന ആദ്യത്തെ പുരുഷ താരമെന്ന റെക്കോര്ഡ് ഇനി രോഹിത് ശര്മ്മക്ക് സ്വന്തം. ബംഗ്ലാദേശിനെതിരായ രണ്ടാം ട്വന്റി20 മത്സരത്തിന് ഇറങ്ങിയതോടെ ക്രിക്കറ്റ് ചരിത്രത്തില് ഈ നേട്ടം പിന്നിടുന്ന രണ്ടാമത്തെ താരമെന്ന റെക്കോര്ഡും രോഹിത് സ്വന്തമാക്കി.
രാജ്യത്തിന് വേണ്ടി 100 ട്വന്റി20 മത്സരങ്ങള് കളിക്കുന്ന രണ്ടാമത്തെ ഇന്ത്യന് ക്രിക്കറ്റ് താരമെന്ന റെക്കോര്ഡും രോഹിത് സ്വന്തം പേരില് കുറിച്ചു. ഇന്ത്യന് വനിതാ ക്രിക്കറ്റ് ടീം ക്യാപ്റ്റന് ഹര്മന്പ്രീത് കൗറാണ് ആദ്യമായി ഇന്ത്യക്കു വേണ്ടി 100 ട്വന്റി20 മത്സരങ്ങള് പൂര്ത്തിയാക്കിയത്. പുരുഷന്മാരില്, 111 മത്സരങ്ങള് കളിച്ച പാകിസ്ഥാന് ഓള് റൗണ്ടര് ഷോയിബ് മാലിക് മാത്രമാണ് ഇതിനു മുന്പ് ഈ നേട്ടം സ്വന്തമാക്കിയത്.
ഡല്ഹിയില് ബംഗ്ലാദേശിനെതിരെ നടന്ന ആദ്യ ട്വന്റി20യില് മുന് ഇന്ത്യന് നായകന് മഹേന്ദ്ര സിംഗ് ധോണിയുടെ റെക്കോര്ഡ് രോഹിത് മറകടന്നിരുന്നു. നിലവില് ഷാഹിദ് അഫ്രീദി (99), എം.എസ് ധോണി (98), റോസ് ടെയ്ലര് (93) എന്നിവരാണ് രോഹിത്തിന് പിന്നിലുള്ളത്.