Sports

മുംബൈയെ മുട്ടുകുത്തിച്ച് ഗോവ; പോയിന്റ് പട്ടികയില്‍ ഒന്നാമത്

മുംബൈ: ഐഎസ്എല്ലില്‍ ഇന്ന് നടന്ന മത്സരത്തില്‍ മുംബൈ സിറ്റി എഫ്‌സിക്കെതിരെ ഗോവക്ക് ജയം. ആതിഥേയരായ മുംബൈ സിറ്റി എഫ്‌സിയെ രണ്ടിനെതിരെ നാല് ഗോളുകള്‍ക്കാണ് ഗോവ തറപറ്റിച്ചത്.

27ാം മിനിട്ടിലാണ് ഗോവയുടെ ആദ്യ ഗോള്‍ പിറന്നത്. ലെനി ഫെര്‍ണാണ്ടസ് ആണ് അതിമനോഹരമായൊരു ഗോളിലൂടെ ഗോവയ്ക്ക് ലീഡ് നേടിക്കൊടുത്തത്. ആദ്യപകുതിയുടെ ഇഞ്ചുറി ടൈമില്‍ ഗോവയുടെ രണ്ടാം ഗോളുമെത്തി. ഫോറാന്‍ കോറോമിനസാണ് രണ്ടാം ഗോള്‍ നേടിയത്.

എന്നാല്‍ രണ്ടാം പകുതിയില്‍ മുംബൈ ഉണര്‍ന്നു കളിച്ചു. 49ാം മിനുട്ടില്‍ മുംബൈയ്ക്കായി സാര്‍ത്ഥക് ഗൊളൂയി ഗോള്‍ നേടിയതോടെ മത്സരം ആവേശത്തിലായി. കോര്‍ണര്‍ കിക്കില്‍ നിന്ന് മനോഹരമായൊരു ഹെഡറിലൂടെയായിരുന്നു ഗോള്‍. 55ാം മിനിട്ടില്‍ അതിശയിപ്പിക്കുന്ന ലോങ് റേഞ്ചര്‍ ഗോളിലൂടെ സൗവിക് ചക്രവര്‍ത്തി മുബൈക്കു വേണ്ടി സമനില പിടിച്ചു.

എന്നാല്‍ 59ാം മിനിട്ടില്‍ ഹ്യൂഗോ ബൗമസ് ഗോവയ്ക്ക് വീണ്ടും ലീഡ് നേടിക്കൊടുക്കുന്നു. 89ാം മിനുട്ടില്‍ ഗോവ വീണ്ടും ലീഡുയര്‍ത്തി. കാര്‍ലോസ് പീനെയാണ് ഗോവയുടെ നാലാമത്തെ ഗോള്‍ സ്വന്തമാക്കിയത്. ജയത്തോടെ നാല് കളികളില്‍ നിന്ന് രണ്ട് വീതം ജയവും സമനിലയുമായി പരാജയമറിയാതെ ഗോവ ഒന്നാമതെത്തി. നോര്‍ത്ത് ഈസ്റ്റ് യുണൈറ്റഡാണ് രണ്ടാമത്.

34 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close