തിരുവനന്തപുരം: മൂന്ന് ദിവസത്തിനിടെ രണ്ടാം ഹാട്രിക്കുമായി ഇന്ത്യൻ താരം ദീപക് ചഹർ. ഇന്ത്യ ബംഗ്ലാദേശ് ട്വന്റി പരമ്പരയിലെ അവസാന മത്സരത്തിന് പിന്നാലെ സയ്യിദ് മുഷ്താഖ് അലി ട്രോഫിയിലും ഹാട്രിക്ക് നേടിയിരിക്കുകയാണ് ചഹർ. ഹാട്രിക്കടക്കം 6 വിക്കറ്റുകൾ വീഴ്ത്തി അന്താരാഷ്ട്ര ട്വന്റി20 ക്രിക്കറ്റിലെ ഏറ്റവും മികച്ച ബോളിംഗ് പ്രകടനം നടത്തിയതിന് ഒരു ദിവസത്തിന് ശേഷമാണ് ചഹറിന്റെ തകർപ്പൻ പ്രകടനം.
തിരുവനന്തപുരം കാര്യവട്ടം സ്പോർട്ട്സ് ഹബ്ബിൽ നടന്ന വിദർഭ – രാജസ്ഥാൻ മത്സരത്തിലാണ് ചഹർ നേട്ടം കൈവരിച്ചത്. മഴയെത്തുടർന്ന് 13 ഓവറാക്കി ചുരുക്കിയ മത്സരത്തിൽ വിദർഭയ്ക്കായിരുന്നു ആദ്യ ബാറ്റിംഗ്. ആദ്യമെറിഞ്ഞ രണ്ട് ഓവറുകളിലും വിക്കറ്റുകൾ ലഭിക്കാതിരുന്ന ചഹർ തന്റെ മൂന്നാം ഓവറിലാണ് ഹാട്രിക് നേടിയത്. ഇതടക്കം നാല് വിക്കറ്റുകളാണ് ഒരോവറിൽ ചഹർ സ്വന്തമാക്കിയത്.
മഴ മുടക്കിയ കളിയിൽ വി ജയദേവൻ മഴ നിയമ പ്രകാരം വിദർഭ ഒരു റൺസിന് ജയം സ്വന്തമാക്കി.
