Sports

ഏകദിന ക്രിക്കറ്റില്‍ രോഹിത് ശര്‍മ്മ ചരിത്രം കുറിച്ചിട്ട് ഇന്നേക്ക് അഞ്ച് വര്‍ഷം; വെടിക്കെട്ട് ബാറ്റിംഗിന്റെ ഓര്‍മ്മകളില്‍ ക്രിക്കറ്റ് ലോകം

ന്യൂഡല്‍ഹി: ഏകദിന ക്രിക്കറ്റ് ചരിത്രത്തിലെ അമ്പരപ്പിക്കുന്ന റെക്കോര്‍ഡ് പിറന്നിട്ട് ഇന്നേക്ക് അഞ്ച് വര്‍ഷം. 2014 നവംബര്‍ 13നാണ് ശ്രീലങ്കക്കെതിരെ രോഹിത് ശര്‍മ്മ ഏകദിനത്തിലെ ഉയര്‍ന്ന വ്യക്തിഗത സ്‌കോര്‍ കുറിച്ചത്. 5 വര്‍ഷങ്ങള്‍ക്കിപ്പുറവും ഹിറ്റ്മാന്റെ റെക്കോര്‍ഡ് ആരാലും തകര്‍ക്കപ്പെടാതെ നിലനില്‍ക്കുകയാണ്. ഇന്നേ ദിവസത്തിന്റെ സവിശേഷത ഓര്‍മ്മിപ്പിച്ച് ഐസിസി ട്വീറ്റ് ചെയ്തു.

173 പന്തുകള്‍ നേരിട്ട രോഹിത് ശര്‍മ്മ 264 റണ്‍സാണ് നേടിയത്. 33 ബൗണ്ടറികളും 9 സിക്‌സറുകളുമാണ് ഈഡന്‍ഗാര്‍ഡന്‍സില്‍ രോഹിത്തിന്റെ ബാറ്റില്‍ നിന്നും പിറന്നത്. രോഹിത്തിനൊപ്പം മികച്ച രീതിയില്‍ ബാറ്റു ചെയ്യുകയായിരുന്ന നായകന്‍ വിരാട് കോഹ്‌ലി (66) പരസ്പര ധാരണയിലുണ്ടായ പിഴവിനെ തുടര്‍ന്ന് റണ്ണൗട്ട് ആയതോടെയാണ് രോഹിത് ശര്‍മ്മ കൂടുതല്‍ അപകടകാരിയായത്.

Loading...

ഏകദിന ക്രിക്കറ്റില്‍ ഇന്ത്യന്‍ താരം നേടുന്ന ഉയര്‍ന്ന സ്‌കോറായ വീരേന്ദര്‍ സേവാഗിന്റെ 219 റണ്‍സാണ് രോഹിത്തിന്റെ വെടിക്കെട്ട് ബാറ്റിംഗിനു മുന്നില്‍ അന്ന് ആദ്യം തകര്‍ന്നു വീണത്. നാല് റണ്‍സുമായി ബാറ്റ് ചെയ്യവെ രോഹിത് ശര്‍മ്മയുടെ ക്യാച്ച് ശ്രീലങ്ക നഷ്ടപ്പെടുത്തിയിരുന്നു. ഇതിനു ശ്രീലങ്ക വലിയ വില നല്‍കേണ്ടി വന്ന കാഴ്ചയാണ് പിന്നീട് ക്രിക്കറ്റ് ലോകം കണ്ടത്.

ആദ്യ ബാറ്റ് ചെയ്ത ഇന്ത്യ രോഹിത്തിന്റെ മാസ്മരിക പ്രകടനത്തിന്റെ കരുത്തില്‍ 5 വിക്കറ്റ് നഷ്ടത്തില്‍ 404 റണ്‍സാണ് നേടിയത്. മറുപടി ബാറ്റിംഗില്‍ ലങ്കന്‍ ഇന്നിംഗ്‌സ് 43.1 ഓവറില്‍ 251 റണ്‍സില്‍ അവസാനിച്ചു. 153 റണ്‍സിനാണ് ഇന്ത്യ വിജയിച്ചത്. രോഹിത്തായിരുന്നു കളിയിലെ താരം.

141 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close