മലപ്പുറം ; ജീവിച്ചിരിയ്ക്കുന്ന മാതാവിനു കുഴിമാടം ഒരുക്കിയ മകന്റെ പേരിൽ കേസെടുക്കാൻ പൊലീസിനു വനിതാ കമ്മീഷന്റെ നിർദേശം . തിരുനാവായ കൊടക്കൽ സ്വദേശിയും , ബിഎസ്എൻഎൽ ജീവനക്കാരനുമായ സിദ്ദിഖാണ് സ്വത്ത് തർക്കത്തിന്റെ പേരിൽ എഴുപതുകാരിയായ മാതാവിന്റെ പേരിൽ കുഴിമാടമൊരുക്കിയത് .
ഇയാൾക്കെതിരെ മാതാവ് നേരത്ത് വനിതാ കമ്മീഷനെ സമീപിച്ചിരുന്നു . കുഴിമാടം മൂടാൻ വനിതാ കമ്മീഷൻ നിർദേശിക്കുകയും ചെയ്തു . നാട്ടുകാരും ബന്ധുക്കളും ഇയാളോട് ചര്ച്ചനടത്തിയിട്ടും യാതൊരു തരത്തിലുള്ള ഒത്തുതീര്പ്പിനും തയ്യാറാവാത്തതിനാലാണ് കമ്മിഷന് കേസ് പൊലീസിന് കൈമാറിയത്.
അദാലത്തിൽ 56 കേസുകൾ പരിഗണിച്ചു . 12 കേസുകൾ തീർപ്പാക്കി . 12 കേസുകൾ പൊലീസിനു കൈമാറി . 32 കേസുകൾ അടുത്ത മാസം 21 നു നടക്കുന്ന അദാലത്തിലേയ്ക്ക് മാറ്റി .