ലണ്ടന്: ഞായര്രാവിനെ ആവേശത്തിലാക്കാന് ഇന്ന് ആഴ്സണലും മാഞ്ചസ്റ്റര് യുണൈറ്റഡും 15-ാം ദിവസത്തെ കളിക്കിറങ്ങുന്നു. നാലു മത്സരങ്ങളാണ് ഇന്ന് നടക്കുന്നത്. ആഴ്സണല് നോര്വിച്ച് സിറ്റിയെ നേരിടുമ്പോള് മാഞ്ചസ്റ്റര് ആസ്റ്റണ് വില്ലയെ നേരിടും.മറ്റ് കളികളിലായി എവര്ട്ടണ് ലിസെസ്റ്റര് സിറ്റിയോടും ഷെഫ് യുണൈറ്റഡ് വൂള്വ്സിനോടും ഏറ്റുമുട്ടും.
നിലവില് സമനിലകൊണ്ട് പൊറുതിമുട്ടിയാണ് ആഴ്സണല് നില്ക്കുന്നത്.13 കളികളിലായി ആകെ 4 ജയവും 6 സമനിലയും 3 തോല്വിയും അടക്കം 18 പോയിന്റോടെ 9-ാം സ്ഥാനത്താണ്. നോര്വിച്ചാകട്ടെ പട്ടികയില് 19-ാം സ്ഥാനത്താണ്.
മാഞ്ചസ്റ്റര് യുണൈറ്റഡും കളിമറന്നമട്ടിലാണ് ലീഗില് നില്ക്കുന്നത്. 13 കളികളിലായി 4 ജയം മാത്രം സ്വന്തം. 5 സമനിലയും 4 തോല്വിയും ഏറ്റുവാങ്ങി 17 പോയിന്റുകള് മാത്രമായി 11-ാം സ്ഥാനത്താണ്. എതിരാളികള് അത്രകേമന്മാരല്ലാത്ത ആസ്റ്റണ് വില്ലയാണെന്നതില് സമാധാനിക്കാം. അവര് 14പോയിന്റുകളുമായി 16-ാം സ്ഥാനത്താണുള്ളത്.
മികച്ചപോരാട്ടങ്ങളിലൂടെ 6-ാം സ്ഥാനത്ത് നി്ലയുറപ്പിച്ചിരിക്കുന്ന വൂള്വ്സ് തൊട്ടടുത്തുതന്നെയുള്ള ഷെഫ് യുണൈറ്റഡാണ് എതിരാളികള്.ഇരുടീമുകളും 4 ജയങ്ങള് നേടിയപ്പോള് വൂള്വ്സ് 7 സമനിലകളും 2 തോല്വിയും മാത്രമാണ് ഏറ്റുവാങ്ങിയത്.