പ്യോങ്യാങ്: സോഹെയ് ഉപഗ്രഹ വിക്ഷേപണ കേന്ദ്രത്തില് സുപ്രധാന പരീക്ഷണം നടത്തിയതായി ഉത്തരകൊറിയ .കൊറിയന് വാര്ത്താ ഏജന്സിയായ കെസിഎന്എയാണ് ഇക്കാര്യം റിപ്പോര്ട്ട് ചെയ്തത്. എന്നാല് എന്ത് പരീക്ഷണമാണ് നടത്തിയതെന്ന് സംബന്ധിച്ച് റിപ്പോര്ട്ടില് വ്യക്തമാക്കിയിട്ടില്ല. ഏറെ പ്രാധാന്യമുള്ള പരീക്ഷണമാണ് നടന്നതെന്നും പരീക്ഷണം വിജയകരമായിരുന്നുവെന്നും വാര്ത്താ ഏജന്സി അറിയിച്ചു. പരീക്ഷണം സമീപ ഭാവിയില് ഉത്തരകൊറിയയുടെ തന്ത്രപ്രധാനമേഖലകളില് മാറ്റങ്ങളുണ്ടാക്കുമെന്നും റിപ്പോര്ട്ടില് സൂചിപ്പിക്കുന്നു.
അമേരിക്കയ്ക്ക് ഈ വര്ഷം ഒരു ക്രിസ്മസ് സമ്മാനം നല്കുമെന്ന് ഉത്തര കൊറിയ നേരത്തെ മുന്നറിയിപ്പ് നല്കിയിരുന്നു. നിലവില് ഇരു രാജ്യങ്ങളും തമ്മില് നടക്കുന്ന ചര്ച്ചയുടെ ഫലം പോലെയായിരിക്കും സമ്മാനമെന്നും കെസിഎന്എ വ്യക്തമാക്കുന്നു. 2017-ല് ദിനത്തില് യുഎസിനെ ലക്ഷ്യം വെച്ച് ഉത്തര കൊറിയ തൊടുത്ത ഭൂഖണ്ഡാന്തര ബാലിസ്റ്റിക് മിസൈല് പരീക്ഷണം ഇരു രാജ്യങ്ങളും തമ്മില് ഭിന്നതയ്ക്ക് കാരണമായിരുന്നു.
അതേസമയം അമേരിക്കയുമായി ആണനിര്വ്യാപനവുമായി ബന്ധപ്പെട്ട വിഷയം ചര്ച്ച ചെയ്തിട്ടില്ലെന്ന് ഉത്തര കൊറിയന് അംബാസഡര് അറിയിച്ചു. ഡിസംബറില് കരാര് അവസാനിക്കുന്നതോടെ ആണവ വിഷയത്തിലുള്ള ചര്ച്ച എന്നന്നേക്കുമായി അവസാനിക്കുമെന്നും അംബാസഡര് അറിയിച്ചു. അമേരിക്ക സൈനിക ശക്തിയെ ആശ്രയിക്കുകയാണെങ്കില് തിരിച്ചടി ഉണ്ടാകുമെന്നും കഴിഞ്ഞ ദിവസം കിങ്ജോങ് ഉന് വ്യക്തമാക്കിയിരുന്നു.
ഉത്തരകൊറിയന് ഏകാധിപതി കിം ജോങ് ഉന് ദിവസങ്ങള്ക്ക് മുമ്പ് പീക്തു മലനിരകളില് കുതിരസവാരി നടത്തിയതിന്റെ വാര്ത്തകള് പുറത്തുവന്നിരുന്നു. സുപ്രധാനമായ തീരുമാനങ്ങളോ നടപടികളോ പ്രഖ്യാപനങ്ങളോ ഉണ്ടാവുന്നതിന് മുമ്പാണ് കിം ജോങ് ഉന് പീക്തു പര്വതനിരകളില് കുതിരസവാരി നടത്താറുള്ളത്.
ദിവസങ്ങള്ക്ക് മുമ്പ് നടന്ന പീക്തു സന്ദര്ശനവും പുതിയ പ്രഖ്യാപനത്തിന്റെയോ പരീക്ഷണത്തിന്റെയോ സൂചനയാണെന്നാണ് കെസിഎന്എ പറയുന്നത്. ഇതിന് പിന്നാലെയാണ് അമേരിക്കയ്ക്കുള്ള ക്രിസ്മസ് സമ്മാനം ഉടന് വരുന്നുണ്ടെന്ന് ഉത്തരകൊറിയ മുന്നറിയിപ്പ് നല്കിയത്.
