Kerala

കുട്ടികൾ മണ്ണുവാരി തിന്ന സംഭവത്തിൽ സര്‍ക്കാരിനും പാര്‍ട്ടിക്കും നാണക്കേടുണ്ടാക്കി; സിപിഎം സമ്മര്‍ദ്ദത്തെ തുടര്‍ന്ന് എസ്പി ദീപക് രാജിവെച്ചു

തിരുവനന്തപുരം: കൈതമുക്ക് വിഷയത്തില്‍ സംസ്ഥാന ശിശുക്ഷേമ സമിതിയുടെ ജനറല്‍ സെക്രട്ടറി സ്ഥാനം എസ്പി ദീപക് രാജിവെച്ചു. സിപിഎമ്മിന്റെ സമ്മര്‍ദ്ദത്തെ തുടര്‍ന്നാണ് ദീപക് രാജിവെച്ചതെന്നാണ് റിപ്പോര്‍ട്ട്. എന്നാല്‍ കുടുംബത്തേ സഹായിക്കാനാണ് താന്‍ ശ്രമിച്ചതെന്നും സംഭവത്തില്‍ വീഴ്ച്ച പറ്റിയെന്നും ദീപക്ക് പറഞ്ഞു.

സംഭവം സര്‍ക്കാരിനും പാര്‍ട്ടിക്കും നാണക്കേട് ഉണ്ടാക്കുന്ന വിധത്തില്‍ പ്രചരിപ്പിക്കാനിടയായതില്‍ ദീപക്കിന് വീഴച്ച പറ്റിയെന്നാണ് സിപിഎമ്മിന്റെ വിലയിരുത്തല്‍. സംഭവവുമായി ബന്ധപ്പെട്ട് ദീപക്കിനോട് നേരത്തെ തന്നെ പാര്‍ട്ടി വിശദീകരണം ആവശ്യപ്പെട്ടിരുന്നു. ഇതിന് പിന്നാലെയാണ് ദീപക്ക് സെക്രട്ടറി സ്ഥാനം രാജി വെച്ചത്. പാര്‍ട്ടി ആവശ്യപ്പെട്ടത് പ്രകാരമാണ് രാജിവെച്ചതെന്ന് ദീപക്ക് പറഞ്ഞു.

ബാലാവകാശ കമ്മീഷന്റെ നിലപാടിനെ തള്ളി കുട്ടികള്‍ പട്ടിണി മൂലം മണ്ണ് തിന്നുവെന്ന് ദീപക്ക് ആവര്‍ത്തിച്ച് പറഞ്ഞിരുന്നു. ഇത് അന്താരാഷ്ട്ര തലത്തില്‍ പോലും സംസ്ഥാന സര്‍ക്കാരിന് നാണക്കേടുണ്ടാക്കി. വിഷയത്തില്‍ മുഖം രക്ഷിക്കാനാണ് സര്‍ക്കാര്‍ ദീപക്കിനെ രാജിവെപ്പിച്ചതെന്നും ആക്ഷേപമുണ്ട്.

273 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close