ന്യൂഡല്ഹി: വായുവില് നിന്നും കുടി വെള്ളം നിര്മ്മിച്ച് യാത്രക്കാര്ക്ക് നല്കാന് ഇന്ത്യന് റെയില്വെ ഒരുങ്ങുന്നു. സൗത്ത് സെന്ട്രല് റെയില്വെയാണ് ആദ്യമായി പരീക്ഷണത്തിന് തയ്യാറായത്. ഇതിന്റെ ഭാഗമായി സെക്കന്ദരാബാദ് റെയില്വെ സ്റ്റേഷനില് അറ്റ്മോസ്ഫിയറിക് വാട്ടര് ജനറേറ്റര് സ്ഥാപിച്ചു.
മേഘദൂത് എന്ന് പേരിട്ടിരിക്കുന്ന പദ്ധതി മൈത്രി അക്വാടെക് ആണ് നടപ്പാക്കുന്നത്. കിയോസ്ക് വഴി പ്രതിദിനം 1000 ലിറ്റര് വെള്ളം ഇതുവഴി ഉത്പാദിപ്പിക്കാന് കഴിയുമെന്നാണ് അധികൃതര് പറയുന്നത്.
ലിറ്ററിന് 5 രൂപയാണ് ഈടാക്കുന്നത്. സ്വന്തമായി കുപ്പി കൊണ്ടു വരുന്നവര്ക്ക് ലിറ്ററിന് 5 രൂപ വാങ്ങുമ്പോള് കുപ്പിയില്നിറച്ച ഒരു ലിറ്റര് കുടിവെള്ളത്തിന് എട്ട് രൂപയാണ് നല്കേണ്ടത്. രണ്ടു രൂപ മുതല് എട്ടു രൂപ വരെയാണ് ഇത്തരത്തില് ശേഖരിക്കുന്ന കുടുവെള്ളത്തിന് റെയില്വെ ഈടാക്കുക.
300 മില്ലീലിറ്റര് വെള്ളം ഗ്ലാസോടുകൂടി മൂന്നു രൂപയ്ക്ക് ലഭിക്കും. പാത്രം കയ്യിലുണ്ടെങ്കില് രണ്ടുരൂപയാണ് ഈടാക്കുക. 500 എംഎല് വെള്ളത്തിന് 5 രൂപയും കുപ്പി കയ്യിലുണ്ടെങ്കില് മൂന്നുരൂപയും നല്കണം.
Conserve Water, Conserve Life: Railways introduces 'Meghdoot' device to harvest water directly from air, which is then filtered & remineralised for drinking
Installed at Secunderabad Railway Station in Telangana, the हवा का पानी complies with World Health Organisation standards pic.twitter.com/lSWqDkf8WB
— Piyush Goyal (@PiyushGoyal) December 17, 2019
അന്തരീക്ഷത്തില് നിന്ന് എയര് ഫില്റ്റര് വഴി ജലം വലിച്ചെടുക്കുന്നു. വായുവില് നിന്ന് ലഭിക്കുന്ന ജലകണങ്ങള് ശുദ്ധീകരിച്ച് കുടിക്കാന് യോഗ്യമാക്കുന്നു. തുടര്ന്ന് ടാങ്കില് ശേഖരിക്കുന്ന വെള്ളം യാത്രക്കാര്ക്ക് വിതരണം ചെയ്യുന്നു. ഇന്ത്യന് സ്റ്റാന്ഡേര്ഡിന്റേയും, ലോകാരോഗ്യ സംഘടനയുടേയും മാനദണ്ഡങ്ങള് കൃത്യമായി പാലിച്ചാണ് പദ്ധതി നടപ്പാക്കിയതെന്ന് റെയില്വെ അധികൃതര് വ്യക്തമാക്കുന്നു.
