ലണ്ടന്: പ്രീമിയര് ലീഗ് 19-ാം കളിദിനത്തില് മുന്നിര ടീമായ മാഞ്ചസ്റ്റര് സിറ്റിക്ക് ഞെട്ടിക്കുന്ന തോല്വി. വൂള്വര് ഹാംപ്ടണാണ് സിറ്റിയെ 3-2ന് തോല്പ്പിച്ചത്. കളിയുടെ ആദ്യപകുതിയില് മുന്നിട്ടുനിന്ന സിറ്റിക്കെതിരെ രണ്ടാം പകുതിയില് തുടര്ച്ചയായി തിരിച്ചടിച്ചാണ് വൂള്വ്സ് വിലപ്പെട്ട രണ്ടു പോയിന്റുകള് കരസ്ഥമാക്കിയത്. ലീഗിലെ രണ്ടാമത്തെ തോല്വിയോടെ ലെസ്റ്ററിനെ പിന്തള്ളി രണ്ടാമതെത്താമെന്ന സിറ്റിയുടെ മോഹം തകര്ന്നു. വൂള്വ്സ് 5-ാം സ്ഥാനത്തുതന്നെ തുടരുകയാണ്.
കളിയുടെ 25-ാം മിനിറ്റിലും 50-ാം മിനിറ്റിലും റഹീം സറ്റെര്ലിംഗാണ് സിറ്റിക്ക് മികച്ച ലീഡ് നല്കിയത്. എന്നാല് പിന്നീട് കളി മാറിമറിയുന്ന കാഴ്ചയാണ് കണ്ടത്. 55-ാം മിനിറ്റില് അദാമാ ട്രാഓരേ ലീഡ് 1-2 ആയി കുറച്ചു. കളിയുടെ അവസാന നിമിഷങ്ങളില് ശക്തമായ മുന്നേറ്റം നടത്തിയ വൂള്വ്സിനായി റൗള് 82-ാം മിനിറ്റില് സിറ്റിയെ ഞെട്ടിച്ച് സമനില പിടിച്ചു. ആ ആഘാതത്തില് നിന്ന് എഴുന്നേല്ക്കും മുംമ്പേ 89-ാം മിനിറ്റില് മാറ്റ് ദോഹര്ത്തി വൂള്വ്സിന്റെ വിജയഗോളും നേടി.
