ന്യൂഡല്ഹി: പൗരത്വ ഭേദഗതി നിയമത്തിനെതിരായ ഹര്ജികള് സുപ്രീം കോടതി ഇന്ന് പരിഗണിക്കും. 144 ഹര്ജികളാണ് സുപ്രീം കോടതിയുടെ പരിഗണനയിലുള്ളത്. ജസ്റ്റിസുമാരായ എസ്. അബദുള് നസീര്, സഞ്ജീവ് ഖന്ന എന്നിരാണ് ഹര്ജികള് പരിഗണിക്കുക.
അതേസമയം, പൗരത്വ ഭേദഗതി നിയമം ഭരണഘടനാ വിരുദ്ധമായി പ്രഖ്യാപിക്കണമെന്ന് ആവശ്യപ്പെട്ട് സംസ്ഥാന സര്ക്കാര് സമര്പ്പിച്ച സ്യൂട്ട് ഹര്ജി ഇന്ന് പരിഗണിക്കില്ല. സുപ്രീം കോടതിയുടെ ഇന്നത്തെ പരിഗണനാ പട്ടികയില് സ്യൂട്ട് ഹര്ജി ഉള്പ്പെടുത്തിയിട്ടില്ല.
പൗരത്വ ഭേദഗതി നിയമവുമായി ബന്ധപ്പെട്ട് വിവിധ ഹൈക്കോടതികളിലുള്ള കേസുകള് സുപ്രീം കോടതിയിലേക്ക് മാറ്റണമെന്ന് ആവശ്യപ്പെട്ട് കേന്ദ്രസര്ക്കാര് സമര്പ്പിച്ച അപേക്ഷയും സുപ്രീം കോടതി ഇന്ന് പരിഗണിക്കും. കേന്ദ്രസര്ക്കാരിന് വേണ്ടി അറ്റോര്ണി ജനറല് കെ.കെ വേണുഗോപാലും സോളിസിറ്റര് ജനറല് തുഷാര് മേത്തയും കോടതിയല് ഹാജരാകും.
