മെല്‍ബണ്‍: ലോക ഒന്നാം നമ്പര്‍ റാഫേല്‍ നദാലിനെ അട്ടിമറിച്ച് ഡോമിനിക് തീം ഓസ്‌ട്രേലിയന്‍ ഓപ്പണ്‍ പുരുഷവിഭാഗം സിംഗിള്‍സിന്റെ സെമിഫൈനലില്‍ കടന്നു. കനത്ത പോരാട്ടത്തിനൊടുവിലാണ് മെല്‍ബണിന്റെ സ്വന്തം ലോക അഞ്ചാം നമ്പര്‍ താരം സ്‌പെയിനിന്റെ കരുത്തനെ മുട്ടുകുത്തിച്ചത്. സ്‌കോര്‍: 7-6,7-6,4-6,7-6.
ആദ്യസെറ്റുമുതല്‍ നിര്‍ണ്ണായക പോയിന്റുകള്‍ വിട്ടുകൊടുക്കാതെ കളി പിടിക്കുന്നതില്‍ തീം വിജയിച്ചു. ആദ്യ രണ്ടു സെറ്റും ടൈബ്രേക്കറിലെത്തിച്ച ശേഷമാണ് തീം നദാലിന് മേല്‍ മേധാവിത്വം നേടിയത്. ഇതിനിടെ തന്റെ പ്രതിഭമുഴുവന്‍ പുറത്തെടുത്ത് മൂന്നാം സെറ്റ് 6-4ന് തിരിച്ചുപിടിച്ച് റോഡ് ലെവര്‍ അറീനയില്‍ നദാല്‍ പ്രതീക്ഷ നിലനിര്‍ത്തി.
എന്നാല്‍ നാലാം സെറ്റില്‍ ഇഞ്ചോടിഞ്ച് പൊരുതി നിര്‍ണ്ണായകമായ സെറ്റ് പോയിന്റ് തീം നേടി. ഒരു സമയം 5-5ന് തീമിന്റെ സെര്‍വ്വ് ബ്രേക്ക് ചെയ്ത് മുന്നേറിയെങ്കിലും തീം 7-6ന് സെമി പോരാട്ടത്തിന് യോഗ്യത നേടി. 13 തവണ മുന്‍പ് പരസ്പരം ഏറ്റുമുട്ടിയിട്ടുണ്ടെങ്കിലും നദാലിന് മുന്നില്‍ തീം് ആദ്യമായിട്ടാണ് ഒരു കളി ജയിക്കുന്നത്. സെമിയില്‍ അലക്‌സാണ്ടര്‍ വെരാവാണ് തീമിന്റെ എതിരാളി.
