മെല്ബണ്: ജോക്കോവിച്ചിന്റെ കരുത്തിനെതിരെ തീം എന്ത് തന്ത്രം പയറ്റിയായിരിക്കും കിരീടത്തിനായി പോരാടുക എന്ന കാത്തിരിപ്പിന് ഇന്ന് വിരാമമാകും. വൈകിട്ട് നടക്കുന്ന പുരുഷവിഭാഗത്തിലാണ് നിലവിലെ ചാമ്പ്യന് സെര്ബിയയുടെ ലോക രണ്ടാം നമ്പര് നൊവാക് ജോക്കോവിച്ച് ഓസ്ട്രേലിയയുടെ സ്വന്തം താരം ഡാമിയന് തീമിനോട് ഏറ്റുമുട്ടുന്നത്. തീം നിലവില് 5-ാം സീഡാണ്. രണ്ടു തവണ ഫ്രഞ്ച് ഓപ്പണ് ഗ്രാന്ഡ്സ്ലാം ഫൈനലുകളിലെത്തി മടങ്ങിയ താരവുമാണ്.
ജോക്കോവിച്ചിനിത് 8-ാം ഓസ്ട്രേലിയന് ഓപ്പണിനുള്ള പോരാട്ടമാണ്.ആകെ 16 ഗ്രാന്ഡ്സ്ലാം കിരീടങ്ങള് സ്വന്തമാക്കിയ ജോക്കോവിച്ചിന്റെ ഗെയിം ശൈലികള് എതിരാളികളെ വിയര്പ്പിക്കുമെന്നുറപ്പാണ്. നീണ്ട വോളികളും ദീര്ഘനേരം കളിക്കാനുള്ള കഴിവുമാണ് ജോക്കോവിച്ചിനെ വ്യത്യസ്തനാക്കുന്നത്.
ഫൈനലിന് മുമ്പുള്ള ഫൈനലെന്ന് വിശേഷിപ്പിച്ച ഫെഡറര് ജോക്കോവിച്ച് പോരാട്ടത്തില് വിജയിച്ചാണ് നിലിവിലെ ചാമ്പ്യന്റെ അപ്രതിരോധ മുന്നേറ്റം. ഫെഡററെ 7-6,6-4,6-3ന് തീര്ത്തും നിഷ്പ്രഭമാക്കിയാണ് ഫൈനലിലെത്തിയത്. ക്വാര്ട്ടറില് ലോക ഒന്നാം നമ്പര് റാഫേല് നദാലിനെ 7-6,7-6,4-6,7-8 എന്ന നിലയില് മുട്ടുകുത്തിച്ച ആത്മവിശ്വാസത്തിലാണ് തീം ഫൈനലിലെത്തിയിരിക്കുന്നത്. സെമിയില് 7-ാം സീഡ് വെരേവിനെ 3-6,6-4,7-6,7-6നാണ് തോല്പ്പിച്ചത്.