സഞ്ജുവിന്റെ കിടിലന്‍ ഫീല്‍ഡിംഗിനെ സ്‌ക്രീന്‍ സേവറാക്കി വ്യവസായി ആനന്ദ് മഹീന്ദ്ര; ഇതിലും മികച്ച പ്രേരണ എന്റെ തിങ്കളാഴ്ച സുപ്രഭാതത്തിനില്ലെന്നും ട്വീറ്റ്

മുംബൈ: ന്യൂസിലന്റിനെതിരെ സഞ്ജുസാംസണ്‍ സിക്‌സര്‍ തടയാന്‍ നടത്തിയ പറന്നുള്ള ഫീല്‍ഡിംഗ് കായിക രംഗത്തിന് പുറത്തും വന്‍ തരംഗമാവുകയാണ്. ഇന്ത്യന്‍ വാഹന നിര്‍മ്മാണ രംഗത്തെ അതികായന്മാരായ മഹീന്ദ്രയുടെ ഉടമ ആനന്ദ് മഹീന്ദ്രയാണ് സഞ്ജുവിനെ പ്രശംസിച്ചുകൊണ്ട് രംഗത്തെ ത്തിയിരിക്കുന്നത്. ‘ ഈ ചിത്രത്തെപ്പറ്റി ഇന്ത്യയിലേയോ ന്യൂസിലാന്റിലേയോ ആരോടും വിശദീകരിക്കേണ്ടതില്ലെന്ന് എനിക്കറിയാം. ഇത് ഈ ആഴ്ചത്തെ എന്റെ സക്രീന്‍ സേവറാണ്. എന്റെ ഈ തിങ്കളാഴ്ച സുപ്രഭാതത്തിന് പ്രേരണ നല്‍കാന്‍ ഇതിലും മികച്ച ഒന്നില്ല…’ ട്വിറ്ററില്‍ മഹീന്ദ്ര കുറിച്ചു.

I don’t think I need to explain this pic to anyone in India or New Zealand. It’s my screensaver for this week. No better Monday morning inspiration… pic.twitter.com/YHyFKq6lmN

— anand mahindra (@anandmahindra) February 3, 2020

അതിവേഗംഭീരമായി വായുവില്‍ പറന്ന് പന്ത് പിടിക്കുകയും നിലത്ത് വീഴും മുമ്പേ പന്ത് അനായാസം ഗ്രൗണ്ടിലേക്ക് എറിയുകയും ചെയ്യുന്ന സഞ്ജുവിന്റെ വീഡിയോ ലോക ക്രിക്കറ്റ് പ്രേമികള്‍ക്കിടയില്‍ വൈറലായിക്കഴിഞ്ഞു.

ടി20കളില്‍ ന്യൂസിലാന്റില്‍ 3 അവസരങ്ങളിലും ബാറ്റിംഗില്‍ പ്രതീക്ഷിച്ച പ്രകടനം നടത്താനാകാതിരുന്ന സഞ്ജു  പക്ഷെ ഫീല്‍ഡില്‍ ലോകോത്തര പ്രകടനമാണ് നടത്തിയത്. കളിച്ച എല്ലാ മല്‍സരങ്ങളിലും മികച്ച ക്യാച്ചുകളും റണ്ണൗട്ടുകളുമായി ഗ്രൗണ്ട് നിറഞ്ഞ സഞ്ചുവിന്റെ പ്രതിഭ ലോക ക്രിക്കറ്റിനപ്പുറവും സമൂഹമാധ്യമങ്ങളിലൂടെ നിറയുകയാണ്. ഇന്ത്യന്‍ നായകന്‍ വിരാട് കോഹ് ലിയും ഉപനായകന്‍ രോഹിത് ശര്‍മയും സഞ്ജുവിന്റെ സാന്നിധ്യമുണ്ടാക്കുന്ന തരംഗത്തെ എടുത്തുപറയുകയും ചെയ്തു.