IndiaDefence

ഇന്ത്യയിൽ ഡിസൈൻ ചെയ്തു ; ഇന്ത്യയിൽ വികസിപ്പിച്ചു ; ഇന്ത്യയിൽ തന്നെ നിർമ്മിച്ചു ; ഇതാ ഇന്ത്യയുടെ ആദ്യ കിടിലൻ സ്നൈപ്പർ റൈഫിൾ

ബംഗളൂരു : ഇന്ത്യയിൽ ഡിസൈൻ ചെയ്ത് ഇന്ത്യയിൽ വികസിപ്പിച്ച് ഇന്ത്യയിൽ തന്നെ നിർമ്മിച്ച ആദ്യ സ്നൈപ്പർ റൈഫിളുമായി ബംഗളൂരു ആസ്ഥാനമായ കമ്പനി. എസ്.എസ്.എസ് ഡിഫൻസാണ് ആദ്യ മേക്ക് ഇൻ ഇന്ത്യ സ്നൈപ്പറുമായി രംഗത്തു വന്നത്. 7 . 6 2 x 5 1 / 3 3 8 സ്നൈപ്പർ റൈഫിളാണ് കമ്പനി നിർമ്മിച്ചത്. എഴുപത് വർഷത്തെ ആയുധ നിർമ്മാണ പാരമ്പര്യമുള്ള കമ്പനിയാണ് എസ്.എസ്.എസ് ഡിഫൻസ്.

ഇന്ത്യൻ സൈന്യത്തിനു മാത്രമല്ല മറ്റ് രാജ്യങ്ങളിലേക്ക് കയറ്റി അയക്കാനും തയ്യാറായാണ് ഇന്ത്യയുടെ സ്വന്തം സ്നൈപ്പർ എത്തുന്നത്. താമസിയാതെ വ്യാവസായികമായ പരീക്ഷണം നടക്കുമെന്ന് കമ്പനി വൃത്തങ്ങൾ വ്യക്തമാക്കി. ബ്രസീൽ ആസ്ഥാനമായ കമ്പനിയുമായി ചേർന്നാണ് സ്നൈപ്പർ വികസിപ്പിച്ചതെന്നും കമ്പനി മാനേജിംഗ് ഡയറക്ടർ സതീഷ് മച്ഛാനി വ്യക്തമാക്കി. സ്വന്തമായി സ്നൈപ്പർ രൂപകൽപ്പന ചെയ്ത് വികസിപ്പിച്ച സ്വകാര്യ മേഖലയിലെ ആദ്യ കമ്പനിയാണ് തങ്ങളെന്ന് മച്ഛാനി ചൂണ്ടിക്കാട്ടി. മറ്റ് വിദേശ കമ്പനികൾക്ക് പതിറ്റാണ്ടുകളുടെ ഗവേഷണം ആവശ്യമായ സ്ഥാനത്താണ് കഠിന പ്രയത്നം കൊണ്ട് കമ്പനി വിജയം നേടിയതെന്നും അദ്ദേഹം ചൂണ്ടിക്കാട്ടി.

ഒന്നര കിലോമീറ്റർ വരെ കൃത്യമായി ലക്ഷ്യം ഭേദിക്കാൻ ഈ സ്നൈപ്പറിനു ശേഷിയുണ്ടെന്ന് കമ്പനി വ്യക്തമാക്കുന്നു. 2 സ്റ്റേജ് അഡ്ജസ്റ്റബിൾ ട്രിഗറുള്ള റൈഫിളിന്റെ കാലിബർ 7.62 X 51 നാറ്റോ / 338 ലാപാ മാഗ്നം ആണ്. ഓപ്റ്റിക്കൽ ഭാഗങ്ങളില്ലാതെ 5 കിലോഗ്രാമാണ് റൈഫിളിന്റെ ഭാരം.

5K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close