ലണ്ടന്‍: മാഞ്ചസ്റ്ററിനെതിരെ 2-0ന്റെ തോല്‍വി ഏറ്റുവാങ്ങിയ ചെല്‍സിക്കായി കോച്ച് ഫ്രാങ്ക് ലമ്പാര്‍ഡ് കടുത്ത രോഷത്തിലാണ്. ഓഫ് സൈഡ് മനസ്സിലാകാനായി വാര്‍ എന്ന കംപ്യൂട്ടര്‍ വീഡിയോ സംവിധാനം ഉപയോഗിക്കുന്നതിന്റെ നിരാശയാണ് ലമ്പാര്‍ഡ് പ്രകടിപ്പിച്ചത്.
ഗോളടിക്കുന്നതും ഓഫ് സൈഡുകളും ‘വാര്‍’ സംവിധാനത്തിലൂടെ നടത്തുന്നത് കളിയുടെ ആത്മാവിനെ കൊല്ലുന്നതാണെന്ന ആരോപണമാണ് ഫ്രാങ്ക് ലമ്പാര്‍ഡ് നടത്തിയത്. വീട്ടില്‍ കാലുംനീട്ടിയിരുന്നു കളി കാണുന്നവര്‍ക്ക് ‘വാര്‍’ സംവിധാനത്തിലൂടെ ഗോളടിക്കുന്നതും രക്ഷപെടുത്തുന്നതും റീപ്ലേ കാണുമ്പോള്‍ രസമായി തോന്നും. എന്നാല്‍ ഗ്രൗണ്ടിലിരുന്ന് കളികാണുന്നവരുടെ മുഴുവന്‍ ആവേശവും ‘വാര്‍’ ചോര്‍ത്തിക്കളയുകയാണ് ‘ ലമ്പാര്‍ഡ് കുറ്റപ്പെടുത്തി
‘ഈ വിഷയം നിങ്ങളാരോട് വേണമെങ്കിലും ചോദിച്ചോളൂ എന്റെ ഇതേ വികാരമുളളവരായിരിക്കും ഭൂരിപക്ഷവും,’ ലമ്പാര്‍ഡ് പ്രതികരിച്ചു. ഒരു നല്ല റഫറിയുടെ ലക്ഷണമെന്നത് ഫൈനല്‍ വിസില്‍ അടിക്കും വരെ അങ്ങിനെയൊരാള്‍ ഗ്രൗണ്ടിലുണ്ടെന്നു പോലും തോന്നാത്ത വിധം കളിയെ അതിവേഗം കൊണ്ടുപോകുമ്പോഴാണ്. അത്തരം എല്ലാ സ്വാഭാവികതകളും ‘വാര്‍’ നശിപ്പിക്കുകയാണെന്നും ലമ്പാര്‍ഡ് സൂചിപ്പിച്ചു.
