ന്യൂഡല്ഹി: കൊറോണ വൈറസ് പടരുമ്പോള് രാജ്യത്ത് ലോക്ക് ഡൗണ് പ്രഖ്യാപിച്ച സാഹചര്യത്തില് വ്യത്യസ്തമായ രീതിയില് ജനങ്ങള്ക്ക് നിര്ദ്ദേശം നല്കി ക്രിക്കറ്റ് താരം രവിചന്ദ്രന് അശ്വിന്. കഴിഞ്ഞ വര്ഷം ഏറെ വിവാദമായ മാങ്കാദിംഗിന്റെ ചിത്രം പങ്കുവെച്ചാണ് അശ്വിന് രംഗത്തെത്തിയിരിക്കുന്നത്.
2019 ഐപിഎല്ലില് രാജസ്ഥാന് റോയല്സും കിംഗ്സ് ഇലവന് പഞ്ചാബും തമ്മില് നടന്ന മത്സരത്തിലാണ് അശ്വിന് വിവാദത്തിന് തിരികൊളുത്തിയത്. മികച്ച ഫോമില് ബാറ്റു ചെയ്യുകായായിരുന്ന ഇംഗ്ലണ്ട് താരം ജോസ് ബട്ലറെ മങ്കാദിംഗിലൂടെയാണ് അശ്വിന് അന്ന് പുറത്താക്കിയത്. ഒരു വര്ഷം മുന്പ് നടന്ന സംഭവമാണിതെന്നും രാജ്യം ലോക്ക് ഡൗണിലേക്ക് കടന്ന സാഹചര്യത്തില് ജനങ്ങളെ ബോധവാന്മാരാക്കുന്നതിനുള്ള മികച്ച ഓര്മ്മപ്പെടുത്തലാണ് ഇതെന്നും അശ്വിന് ചിത്രത്തോടൊപ്പം ട്വിറ്ററില് കുറിച്ചു. പുറത്തിറങ്ങരുത്, അകത്ത് തന്നെ ഇരിക്കുക, സുരക്ഷിതരാകുക എന്നും അശ്വിന് പറഞ്ഞു.
Hahaha, somebody sent me this and told me it's exactly been 1 year since this run out happened.
As the nation goes into a lockdown, this is a good reminder to my citizens.
Don't wander out. Stay inside, stay safe! #21DayLockdown pic.twitter.com/bSN1454kFt
— Ashwin 🇮🇳 (@ashwinravi99) March 25, 2020
ബൗള് ചെയ്യുന്നതിനു മുന്പ് ബാറ്റ്സ്മാന് ക്രീസ് വിട്ടിറങ്ങുകയാണെങ്കില് ബൗളര്ക്ക് ബാറ്റ്സ്മാനെ റണ്ണൗട്ടാക്കാം. ഇതാണ് മങ്കാദിംഗ് എന്നറിയപ്പെടുന്നത്. 1948ല് നടന്ന ഇന്ത്യ-ഓസ്ട്രേലിയ പരമ്പരയില് വിനോദ് മങ്കാദ് ഓസീസ് താരം ബില് ബ്രൗണിനെ ഇതേ രീതിയില് രണ്ട് തവണ പുറത്താക്കിയിരുന്നു. ഇതോടെയാണ് ഇത്തരം പുറത്താക്കലുകള്ക്ക് മങ്കാദിംഗ് എന്ന പേരു ലഭിച്ചത്.