ന്യൂഡല്ഹി: കൊറോണ പ്രതിരോധ പ്രവര്ത്തനത്തിന് കായികരംഗത്തിന് മാതൃകയായി സ്പോര്ട്ട് അതോറിറ്റി 76 ലക്ഷം രൂപ സമാഹരിച്ചു നല്കി. കായിക രംഗത്തെ ഔദ്യോഗിക സംഘടനയുടെ മാതൃകാപരമായ പ്രവര്ത്തനത്തെ കേന്ദ്ര കായികവകുപ്പ് മന്ത്രി കിരണ് റിജിജു അഭിനന്ദിച്ചു. അതോറിറ്റിയുടെ വകുപ്പുകളേയും താരങ്ങളേയും പരിശീലകരേയും വിവിധ തലങ്ങളായി നിശ്ചയിച്ചാണ് തുക തീരുമാനിച്ചത്. എല്ലാവരുടേയും മൂന്നു ദിവസത്തെ വരുമാനമാണ് അടിയന്തിരമായി നല്കിയത്.
പ്രധാനമന്ത്രിയുടെ അഭ്യര്ത്ഥനയോട് ആവേശപൂര്വ്വം പ്രതികരിച്ചത് കായികരംഗമായിരുന്നു. സച്ചിനും കോഹ്ലിയുമടക്കമുള്ളവര് തുടക്കത്തിലേ മുന്നിട്ടറങ്ങിയതിനൊപ്പം വിവിധ മേഖലകളിലെ കായികതാരങ്ങള് പിന്തുണയുമായെത്തി. രണ്ടാഴ്ച മുന്നേ കേന്ദ്ര കായിക മന്ത്രിയുടെ ഫിറ്റ് ഇന്ത്യ ചലഞ്ചിനോട് കായികതാരങ്ങളുടെ പ്രതികരണവും ആവേശപൂര്ണ മായിരുന്നു. മലയാളിതാരം അഞ്ജു ബോബി ജോര്ജ്ജും ബോക്സിംഗ് താരം മേരികോമും അടക്കം സ്വയം വ്യായാമം ചെയ്യുന്ന വീഡിയോ സമൂഹമാദ്ധ്യമങ്ങളിലൂടെ പങ്കുവച്ചിരുന്നു.
രാജ്യത്തെ ദരിദ്രജനവിഭാഗങ്ങള്ക്കിടയില് ലോക്ഡൗണ് സൃഷ്ടിക്കുന്ന പ്രതിന്ധിപരി ഹരിക്കാനാണ് പ്രധാനമന്ത്രി പിഎം കെയര് എന്ന പേരില് ധനസമാഹരണം നിശ്ചയിച്ചത്. എല്ലാവരും തങ്ങള്ക്കാവുന്ന ധനസമാഹരണം നടത്തണമെന്ന പ്രധാനമന്തിയുടെ ആഹ്വാന ത്തോടാണ് എല്ലാവരും അതിവേഗം പ്രതികരിച്ചത്.
