മ്യൂനിച്ച്: കൊറോണ ഭീതിയില് ലോകത്തെ ഫുട്ബോള് കളങ്ങളെല്ലാം ഒഴിഞ്ഞിട്ടും ജര്മ്മനിയില് പരിശീലനം നടത്താനുറച്ച് ബയേണ് മ്യൂനിച്ച്. ബുന്ദേസ്ലീഗ എന്ന ജര്മ്മന് ലീഗിലെ പ്രമുഖ ക്ലബ്ബാണ് കൊറോണയുടെ രൂക്ഷതക്കിടയിലും പരിശീലനമെങ്കിലും പുനരാരംഭിക്കാന് തീരുമാനിച്ചത്.
സബാനേര് സ്്ട്രാസേ സ്റ്റേഡിയത്തിലാണ് പരിശീലനം ആരംഭിക്കുന്നത്. കൃത്യമായ കൊറോണ പ്രതിരോധം പാലിക്കാനായി 5 പേര് മാത്രമുള്ള ഗ്രൂപ്പുകളാണ് പരിശീലനത്തിന് ഇറങ്ങുന്നതെന്ന് ക്ലബ്ബ് അധികൃതര് അറിയിച്ചു. തീരുമാനം ആരോഗ്യവകുപ്പിനേയും ജര്മ്മന് ഭരണകൂടത്തേയും അറിയിച്ചതായും മ്യൂനിച്ച് ക്ലബ്ബ് വ്യക്തമാക്കി.
പരിശീലന സമയത്ത് ഒരു പൊതുജനത്തേയും സ്റ്റേഡിയത്തിലേക്ക് കയറ്റില്ലെന്നും ആരാധകര്ക്കായുള്ള സന്ദേശത്തില് ക്ലബ്ബ് വ്യക്തമാക്കി. ജര്മ്മനിയുടെ സൂപ്പര് ലീഗായ ബുന്ദേസ്ലീഗാ മത്സരങ്ങള് ഏപ്രില്30 വരെയാണ് നിര്ത്തിവച്ചിരിക്കുന്നത്.