ലണ്ടന്: ലോക ഫുഡ്ബോള് രംഗത്തെ ഔഗ്യോഗിക സംഘടനയായ ഫിഫ കൊറോണ പ്രതിരോധത്തിനായി അംഗരാജ്യങ്ങള്ക്ക് സഹായം നല്കുന്നു. 211 അംഗരാജ്യങ്ങള്ക്കാണ് ഫിഫയുടെ ധനസഹായം ലഭിക്കുക. നിലവില് ഫുട്ബോളുമായി നബന്ധപ്പെട്ട് 250 കോടി രൂപവീതം ഫെഡറേഷനുകളുടെ പ്രവര്ത്തനങ്ങള് മുടങ്ങാതിരിക്കാനാണ് ധനസഹായമെന്ന് ഫിഫ പ്രസിഡന്റ് ഗിയാനി ഇന്ഫാന്റിനോ അറിയിച്ചു.
കൊറോണ ലോകത്തെ എല്ലാ രാജ്യങ്ങളിലേയും ഫുട്ബോള് രംഗത്തേയും കാര്യമായി ബാധിച്ചിരിക്കുകയാണ്. ഇതുമായി ബന്ധപ്പെട്ട് പ്രവര്ത്തിക്കുന്നവരെ അടിയന്തിരമായി സഹായിക്കാനാണ് ഫിഫയുടെ തീരുമാനമെന്നും ഇന്ഫാന്റിനോ വ്യക്തമാക്കി.
നിലവില് തീരുമാനിച്ചിരിക്കുന്ന ധനസഹായത്തിനൊപ്പം ഏതെങ്കിലും രാജ്യത്തിന് നല്കാനുള്ള തുകകളുണ്ടെങ്കില് അതും ഈ കാലയളവില് ലഭ്യമാക്കുമെന്നും ഫിഫ അറിയിച്ചു. ഫിഫയുടെ അംഗീകാരത്തോടേ കൂടി പ്രവര്ത്തിക്കുന്ന രാജ്യങ്ങളിലെ ഫെഡറേഷനുകളുടെ കീഴിലുള്ള ഓഫീസുകള്, പരിശീലന കേന്ദ്രങ്ങള്, പരിശീലകര്, മറ്റ് സാങ്കേതിക പ്രവര്ത്തകര്, സ്റ്റേഡിയം നടത്തിപ്പുകാര് എന്നിവരുടെയൊക്കെ ക്ഷേമം ഉറപ്പുവരുത്തലാണ് നിലവിലെ അടിയന്തിര സഹായം കൊണ്ട് ഉദ്ദേശിക്കുന്നതെന്നും ഫിഫ മേധാവി പറഞ്ഞു.
