സിഡ്നി: ക്രിക്കറ്റിലെ പുതിയ പരീക്ഷണമായ ടെസ്റ്റ് ചാമ്പ്യന്മാരെ തീരുമാനിക്കുന്ന രീതിമാറ്റി പരീക്ഷിക്കണമെന്ന നിര്ദ്ദേശവുമായി ഓസ്ട്രേലിയയുടെ മുന് അന്താരാഷ്ട്ര താരം രംഗത്ത്. ഓസീസിന്റെ മികച്ച സ്പിന് ബൗളറായ ബ്രാഡ് ഹോഗാണ് ബദല് മാര്ഗ്ഗം പരീക്ഷിക്കണമെന്ന് ആവശ്യപ്പെട്ടിരിക്കുന്നത്. പുതിയ പരമ്പരകള് നടത്തുകയാണ് വേണ്ടതെന്നാണ് ഹോഗിന്റെ അഭിപ്രായം. ഇതിന് ഉദാഹരണമായി പറഞ്ഞത് ഇന്ന് ലോകത്തില് ഏറ്റവും അധികം കാണികളെ കിട്ടുന്ന ഇന്ത്യാ പാകിസ്താന് പരമ്പരകളും ആഷസ്സും നടത്തുന്ന രീതിയില് നടക്കുന്ന പരമ്പരകളാണ് ഹോഗിന്റെ മനസ്സിലുള്ളത്.
കാണികളെന്നും ശക്തമായ പോരാട്ടം പ്രതീക്ഷിക്കുന്നു. നിലവില് അത് നല്കാനാകുന്നത് നാലു ടീമുകള്ക്കാണ്. അതിലൊന്ന് ഇന്ത്യയും പാകിസ്താനും മറ്റൊന്ന് ഓസ്ട്രേലിയയും ഇംഗ്ലണ്ടും. നാലു ടീമുകളും പാരമ്പര്യ വൈരികളെന്ന നിലയില് എന്നും കിരീട പോരാട്ടങ്ങളില് ത്രസിപ്പിക്കുന്ന പ്രകടനങ്ങളാണ് കാഴ്ചവയ്ക്കാറ്. ഇന്ത്യയും പാകിസ്താനും
തമ്മില് കുറഞ്ഞത് നാല് ടെസ്റ്റ് മത്സരങ്ങളെങ്കിലും കളിക്കണം. ലോകം എന്നും കാത്തിരിക്കുന്നത് ഇന്ത്യാ-പാക് മത്സരങ്ങളാണ്. മറ്റൊന്ന് ആഷസ്സ് പരമ്പരയാണ്.