കറാച്ചി: വാതുവെയ്പ്പിന്റെ പേരില് തനിക്ക് മേല് ചുമത്തിയ ആജീവനാന്ത വിലക്ക് നീക്കണമെന്ന് ഡാനിഷ് കനേരിയ . പാകിസ്താന്റെ മുന്താരത്തിനെ 2009ലാണ് വാതുവെയ്പ്പിന്റെ പേരില് പുറത്താക്കിയത്.താന് ചെയ്ത തെറ്റിന് ഏറെ വിലനല്കേ ണ്ടിവന്നെന്നും ഇനി ഒരു പുതിയ തുടക്കം ആഗ്രഹിക്കുന്നുവെന്നും കനേരിയ അറിയിച്ചു.
മുന് എസെക്സ് താരം മാറിന് വെസ്റ്റ്ഫീല്ഡുമായി ചേര്ന്ന് മത്സരഫലം നിര്ണ്ണയിക്കുന്നതുമായി ബന്ധപ്പെട്ട വാതുവെയ്പ്പ് നടത്തിയതായി കണ്ടെത്തിയിരുന്നു. 2009ല് എസെക്സ്-ഡര്ഹാം ടീമുകളുടെ മത്സരത്തിനിടെയായിരുന്നു സംഭവം. വെസ്റ്റ്ഫീല്ഡിനോഡ് ഒരു ഓവറില് എതിരാളികല്ക്കായി 12 റണ്സ് വഴങ്ങണമെന്ന വാതുവെയ്പ്പാണ് നടത്തിയത്. കനേരിയയുടെ പ്രേരണയിലാണ് തെറ്റുചെയ്തതെന്നും തെളിഞ്ഞതിനെ തുടര്ന്ന് വെസ്റ്റ്ഫീല്ഡിന് നാലുവര്ഷം ജയില് ശിക്ഷയും ലഭിച്ചിരുന്നു.
തന്റെ പ്രവൃത്തിയില് ഏറെ പരിതപിക്കുന്നു. താന് അധികൃതരോട് തന്റെ കുറ്റം സമ്മതിച്ച ശേഷം ഇന്നുവരെ ഒരു തരത്തിലുള്ള തെറ്റും ചെയ്തിട്ടില്ലെന്നും കനേരിയ പറഞ്ഞു. തന്റെ അന്താരാഷ്ട്ര ക്രിക്കറ്റ് കരിയര് അവസാനിച്ചു. എന്നാല് ലെഗ് സ്പിന്നര് എന്ന നിലയിലെ പരിചയം ഉപയോഗപ്പെടുത്തി ഉപജീവന മാര്ഗ്ഗത്തിനുള്ള അവസരം നല്കണമെന്നും കനേരിയ പാക് ക്രിക്കറ്റ് ബോര്ഡിനോഡ് അപേക്ഷിച്ചു.