ലണ്ടന്: ലോക്ഡൗണ് കഴിഞ്ഞ് ആരംഭിക്കാനിരിക്കുന്ന ലീഗ് മത്സരങ്ങളുടെ ആധിക്യം പരിക്കുപറ്റുന്നവരുടെ എണ്ണം പതിന്മടങ്ങ് കൂട്ടുമെന്ന് പരിശീലകര്. മൂന്നു മാസം മുടങ്ങിയ ലീഗ് മത്സരങ്ങള് എളുപ്പം പൂര്ത്തിയാക്കാന് നടത്തുന്ന തയ്യാറെടുപ്പുകള്ക്കിടെയാണ് പരിശീലകര് പരിക്കിനെ ഭയപ്പെടുന്നത്.
ആഴ്ചയില് ഒരു മത്സരം മാത്രം കളിച്ചിരുന്ന ഒരു ക്ലബ്ബ് മൂന്ന് മത്സരമെങ്കിലും കളിക്കേണ്ട നിലയിലാണ് പ്രീമിയര് ലീഗടക്കം യൂറോപ്പിലെ മറ്റെല്ലാ ലീഗുകളും മത്സരക്രമം തയ്യാറാക്കിയിരിക്കുന്നത്. ഇങ്ങനെ കളിച്ചാല് പരിക്കുപറ്റാനുള്ള സാധ്യത നിലവിലുള്ളതിനേക്കാളും 25 ശതമാനം കൂടുതലാണെന്നാണ് പരിശീലകര് വിലയിരുത്തുന്നത്.
എഫ്എ കപ്പ് ആഗസ്റ്റ് അവസാനമോ സംപ്തംബര് ആദ്യമോ നടത്താനാണ് ലീഗുകളെല്ലാം വേഗത്തില് തീര്ക്കേണ്ടിവരുന്നതെന്നാണ് സംഘാടകര് പറയുന്നത്. നിലവിലെ മത്സരക്രമം അനുസരിച്ച് മാഞ്ചസ്റ്റര് സിറ്റി 49 ദിവസത്തിനകം 13 മത്സരങ്ങള് കളിക്കേണ്ട അവസ്ഥയാണ് . 5-6 മത്സരത്തില് നിന്നാണ് 13 മത്സരങ്ങള് എന്ന തിരക്കേറുന്ന നിലയിലേക്ക് മത്സരക്രമം മാറിയിരിക്കുന്നത്.