ഇന്ന് അന്താരാഷ്‌ട്ര ഒളിമ്പിക്‌സ് ദിനം: സ്വപ്‌ന നേട്ടങ്ങള്‍ ഓര്‍ത്തെടുത്ത് കായികതാരങ്ങള്‍

ന്യൂഡല്‍ഹി: അന്താരാഷ്‌ട്ര ഒളിമ്പിക്‌സ് ദിനം ഇന്ന്. ലോകകായകവേദിയില്‍ മെഡല്‍ കൊയ്ത ഇന്ത്യന്‍ താരങ്ങള്‍ തങ്ങളുടെ സ്വപ്‌നമുഹൂര്‍ത്തങ്ങള്‍ ദേശീയമാദ്ധ്യമങ്ങളോട് പങ്കുവച്ചു. ഇന്ത്യയുടെ ഗുസ്തി താരം സുശീല്‍ കുമാറും ബാഡ്മിന്റണ്‍ താരം സൈന നെഹ് വാളുമാണ് ഒളിമ്പിക്‌സ് മെഡല്‍ നേടിയ നിമിഷം പങ്കുവെച്ചത്.

2008ലെ ഒളിമ്പിക്‌സ് മെഡല്‍ നേട്ടമാണ് തന്റെ കായികജീവിതം മാറ്റിമറിച്ചതെന്ന് സുശീല്‍ പറഞ്ഞു. 2012ലെ ലണ്ടന്‍ ഒളിമ്പിക്‌സിലും മെഡല്‍ നേടിയതും വഴിത്തിരിവായെന്നും സുശീല്‍ ഓര്‍ക്കുന്നു. 2008ല്‍ വെങ്കലവും 2012ല്‍ ഒരു പടികൂടി കടന്ന് വെള്ളി മെഡലുമാണ് സുശീല്‍ നേടിയത്.

സൈന നെഹ്വാളിന് പറയാനുള്ളത് 2012ലെ വെങ്കല മെഡല്‍ നേട്ടത്തെക്കുറിച്ചാണ്. തന്റെ ജീവിതത്തിലെ ഏറ്റവും സന്തോഷം ഉണ്ടായ നിമിഷമാണ് 2012ലെ ഒളിമ്പിക്‌സ് മെഡല്‍ നേട്ടം. 1999 മുതല്‍ ബാഡ്മിന്റണ്‍ കളിക്കാന്‍ തുടങ്ങിയതുമുതലുള്ള സ്വപ്‌നമാണ് 2012ല്‍ പൂവണിഞ്ഞത്.

2028 ആകുമ്പഴേക്കും ഇന്ത്യ ഒളിമ്പിക്‌സില്‍ മെഡല്‍ നേടുന്ന ആദ്യ പത്തു രാജ്യങ്ങളില്‍ ഉള്‍പ്പെടുക എന്നതാണ് ലക്ഷ്യമെന്ന് കേന്ദ്ര കായിക വകുപ്പ് മന്ത്രി കിരണ്‍ റിജിജു പറഞ്ഞു. 1948 മുതലാണ് ആധുനിക ഒളിമ്പിക്‌സിന്റെ തുടക്കം കണക്കാക്കുന്നത്. അന്നുമുതല്‍ എല്ലാ ജൂണ്‍ 23നും അന്താരാഷ്‌ട്ര ഒളിമ്പിക്‌സ് ദിനമായാണ് ആഘോഷിക്കുന്നത്.

Wish everyone a safe & happy #OlympicDay! Sharing lighting of Olympic flame: Women, representing Vestal Virgins perform a celebration at Temple of Hera, Olympia. Flame is lit using sun rays, to ensure its purity and a skaphia, ancestor of parabolic mirror for lighting the flame🌞 pic.twitter.com/T3EW18S2tl

— Kiren Rijiju (@KirenRijiju) June 23, 2020