ന്യൂഡല്ഹി: തന്റെ ജീവിതത്തിന്റെ വഴിത്തിരിവായത് 1983ലെ ഇന്ത്യയുടെ ലോകകപ്പ് വിജയമാണെന്ന് സച്ചിന് ടെണ്ടുല്ക്കര്. ഇന്ത്യ ലോകകപ്പ് ആദ്യമായി നേടിയതിന്റെ 37-ാം വാര്ഷികത്തില് അഭിനന്ദിക്കുന്നതിനിടെയാണ് സച്ചിന് തന്റെ ക്രിക്കറ്റ് പ്രചോദനം എന്തെന്ന് വെളിപ്പെടുത്തിയത്. കപില് ദേവിന്റെ നേതൃത്വത്തില് ഏറ്റവും ശക്തരായ വെസ്റ്റിന്ഡീസിനെ അട്ടിമറിച്ച ഇന്ത്യന് ജയം ഇന്ത്യയില് ക്രിക്കറ്റിന് വലിയ പ്രചാരമാണ് നേടിക്കൊടുത്തത്.
The #WorldCup1983 Final like for many was a landmark event in my life.
Still recall my friends & I celebrating all wickets right from BS Sandhu's epic delivery to Greenidge to Kapil Paaji’s catch. We jumped & celebrated the fall of each wicket! What an evening it was.🙂 pic.twitter.com/1WJH4sXjRB
— Sachin Tendulkar (@sachin_rt) June 25, 2020
‘ 1983ലെ ഇന്ത്യയുടെ ക്രിക്കറ്റ് ലോകകപ്പ് നേട്ടം മറ്റ് പലരേയും പോലെ തനിക്കും ജീവിതത്തില് വലിയ പ്രചോദനമാണ് നല്കിയത്. ഇന്ത്യ ആ കലാശപ്പോരാട്ടത്തില് നേടിയ ഓരോ വിക്കറ്റും താനും തന്റെ സുഹൃത്തുക്കളും വലിയ ആഘോഷമാക്കിയതും ഓര്ക്കുകയാണ്. ബി.എസ്.സന്ധുവിന്റെ ചരിത്രമായ ബൗളിംഗില് ഗ്രീനിഡ്ജിനെ കപില് പാജി കയ്യിലൊതു ക്കിയത് അവിസ്മരണീയ കാഴ്ചയായിരുന്നു. ഞങ്ങളെല്ലാം തുള്ളിച്ചാടുകയായിരുന്നു. എന്തൊരു സായാഹ്നമായിരുന്നു അത്’ സച്ചിന് ട്വിറ്ററില് കുറിച്ചു.
വെറും 183 റണ്സിന് പുറത്തായ ടീം ഇന്ത്യയാണ് കപിലിന്റെ നേതൃത്വത്തില് വെസ്റ്റിന്ഡീസെന്ന അതിശക്തരെ കടപുഴക്കിയെറിഞ്ഞത്.140 റണ്സിനാണ് കരീബിയന് നിര കാലാശപ്പോരാട്ടത്തില് ലോര്ഡ്സില് കാലിടറി വീണത്. 1975ലും 79ലും ലോകചാമ്പ്യന്മാരായ ടീമാണ് വെസ്റ്റിന്ഡീസ്. ആദ്യ ജയത്തോടെ ക്രിക്കറ്റിന് കിട്ടിയ ജനസമ്മതി ടീം ഇന്ത്യയെ ലോക ഒന്നാം നമ്പര് ആക്കി മാറ്റി.
