ന്യൂയോര്ക്ക്: സമൂഹമാദ്ധ്യമങ്ങളിലൂടെ മന:പൂര്വ്വം പ്രചരിപ്പിക്കുന്ന പോസ്റ്റുകളെ നീക്കുമെന്ന് ഫേസ്ബുക്ക് മേധാവി മാര്ക് സുക്കര്ബര്ഗ്. ആഗോള തലത്തില് സാമൂഹ്യമാദ്ധ്യമങ്ങളെ ദുരുപയോഗം ചെയ്യുന്നത് കുറയ്ക്കാനായുളള നടപടികളുടെ ഭാഗമായാണ് ഫേസ്ബുക് പോസ്ററുകള് നീക്കുന്നത്. അമേരിക്കന് പ്രസിഡന്റ് ഡൊണാള്ഡ് ട്രംപിനെതിരെ ട്വിറ്ററില് പ്രചരിച്ച വാര്ത്തകളും ഫേസ്ബുക് ഒരു ഉദാരണമായി ചൂണ്ടിക്കാട്ടുന്നു.
സമൂഹമാദ്ധ്യമങ്ങളില് തങ്ങളുടേതായ പരസ്യങ്ങള് നല്കുന്നതുമായി ബന്ധപ്പെട്ട് ഇതിനിടെ 90 പ്രമുഖ കമ്പനികളാണ് അമേരിക്കയില് വിട്ടുനില്ക്കാന് തീരുമാനിച്ചത്. തെരഞ്ഞെ ടുപ്പുകൂടി വരുന്ന പശ്ചാത്തലത്തില് പരസ്യങ്ങളില് ജനപ്രീയത കുറയുമെന്നും ഉല്പന്നങ്ങള്ക്ക് കാര്യമായ ഗുണം ലഭിക്കില്ലെന്നും കമ്പനികള് ചൂണ്ടിക്കാട്ടി. യൂണീലിവര്, ബെന് ആന്റ് ജെറി എന്നീ കമ്പനികള് തെരഞ്ഞെടുപ്പ് കഴിയും വരെ വിട്ടുനില്ക്കാനാണ് തീരുമാനിച്ചിരിക്കുന്നത്.
വിവിധ കമ്പനികള് അവരുടെ ആശയങ്ങള് സമുഹാദ്ധ്യമങ്ങളിലൂടെ പങ്കുവയ്ക്കുന്നതിലാണ് ഫേസ്ബുക്ക് ശ്രദ്ധിക്കുക. ഇതിന്റെ പേരില് മാറിനില്ക്കുന്ന കമ്പനികളുടെ നയങ്ങളെ സുക്കര്ബര്ഗ് വിമര്ശിച്ചു. 86 ശതമാനം രാഷ്ട്രീയപരമായ വിദ്വേഷം ഉണ്ടാക്കുന്ന പ്രസംഗ ങ്ങളും പരസ്യങ്ങളും ഫേസ്ബുക്ക് നീക്കം ചെയ്തുകഴിഞ്ഞു. അതാത് ഭൂഖണ്ഡങ്ങളിലെ സാമൂഹ്യ അന്തരീക്ഷം കണക്കിലെടുത്താണ് നടപടികള് എടുക്കുക. തുടക്കം അമേരിക്കയിലാണെന്നും സുക്കര്ബര്ഗ് പറഞ്ഞു.
