പലയിനം പാമ്പുകൾ നമ്മുക്കേവര്ക്കും സുപരിചിതമാണ്. എന്നാല് റെഡ് കോറല് കുക്രി പാമ്പുകളെ കുറിച്ചുള്ള കേട്ടറിവ് പലര്ക്കുമില്ല. ഈ റെഡ് കോറല് കുക്രി പാമ്പാണ് ഇപ്പോള് കുറച്ചു ദിവസമായി സോഷ്യല് മീഡിയ കൈയ്യടക്കിയിരിക്കുന്നത്. ഞായറാഴ്ച്ചയാണ് ഉത്തര്പ്രദേശിലെ ദുധ്വാ നാഷണല് പാര്ക്കില് നിന്നും ചുവന്ന നിറമുള്ള അപൂര്വ്വയിനം പാമ്പായ റെഡ് കോറല് കുക്രിയെ കണ്ടെത്തുന്നത്. നാഷണല് പാര്ക്കിലെ ഒരു ഉദ്യാഗസ്ഥനാണ് ഇതിന്റെ ചിത്രം പകര്ത്തിയതും അത് ട്വിറ്ററില് പങ്കുവെച്ചതും തുടര്ന്ന് സംഭവം വൈറലായതും.
അടുത്തിടെയും ഈ ചുവന്ന പാമ്പ് വാര്ത്തകളില് ഇടംപിടിച്ചിരുന്നു. 2018ല് ദുധ്വാ ടൈഗര് റിസര്വ്വിലെ സൊനാരിപൂര് ഭാഗത്ത് നിന്നും ഇവയെ കണ്ടെത്തിയിരുന്നു. 2019 ജൂണിൽ വടക്ക് ഖേരി ഡിവിഷനിലെ മജ്ഗയ് റെയ്ഞ്ചിലും ഇവയെ കണ്ടെത്തിയതായി ദുധ്വാ ടൈഗര് റിസര്വ്വിലെ ഫീല്ഡ് ഡയറക്ടര് വ്യക്തമാക്കി.
1936ലാണ് ഈ പാമ്പിനെ ആദ്യമായി കണ്ടെത്തുന്നത്. അതും ദുധ്വയില് നിന്നു തന്നെ. ഉത്തര്പ്രദേശിലെ ഖേരി എന്ന പ്രത്യേകതകളേറെയുള്ള പ്രദേശത്താണ് ഈ വിഭാഗം പാമ്പുകളെ കണ്ടുവരുന്നത്. ഒലിഗോഡന് ഖെരിന്സിസ് എന്നാണ് ഇതിന്റെ ശാസ്ത്രനാമം. നേപ്പാളി കുക്രി എന്നും ഈ പാമ്പുകള് അറിയപ്പെടുന്നു. ചുവപ്പ് കലര്ന്ന ഓറഞ്ച് നിറവും ഇവയുടെ കൂര്ത്ത് വളഞ്ഞ പല്ലുകളുടെ ആകൃതിയുമാണ് ഇതിന് കാരണം. നേപ്പാളില് ഉപയോഗിക്കുന്ന കുക്രി കത്തിക്ക് ഇവയുടെ പല്ലുകളുടെ ആകൃതിയാണ്. അതുകൊണ്ടാണ് ഇതിനെ റെഡ് കോറല് കുക്രി എന്ന് വിളിക്കുന്നത്.
“വൈവിധ്യങ്ങളും അത്ഭുതങ്ങളും നിറങ്ങതാണ് ദുധ്വാ നാഷണല് പാര്ക്ക്. വളരെ അത്യപൂര്വ്വമാണ് റെഡ് കോറല് കുക്രി പാമ്പുകള്… കനത്ത മഴയ്ക്ക് ശേഷമാണ് ഈ പാമ്പിനെ ഇന്ന് വൈകുന്നേരം കാണുന്നത്.” ഇപ്രകാരമാണ് പാമ്പിന്റെ ചിത്രം പങ്കുവെച്ച് കൊണ്ട് വൈൽഡ് ലെന്സ് ട്വീറ്റ് ചെയ്തത്. ആകര്ഷകമായ നിറം കൊണ്ട് തന്നെ സോഷ്യല് മീഡിയ ശ്രദ്ധ പിടിച്ചുപറ്റിയ ഈ പാമ്പിനെ പലരും അത്ഭുതമെന്നും മനോഹരം എന്നുമാണ് വിശേഷിപ്പിച്ചിരിക്കുന്നത്.
നിറത്തേക്കാളുപരി ഏവരേയും ആകര്ഷിക്കുന്നത് ഇതിന് വിഷം ഇല്ല എന്ന പ്രത്യേകതയാണ്. ഇവ വിഷമില്ലാത്തയിനം പാമ്പുകളാണെന്നും കൊച്ചു പ്രാണികളും വിരകളുമാണ് ഇവയുടെ ഇരകള് എന്നുമാണ് കണ്ടെത്തൽ.
#Dudhwa National Park is full of diversity and surprises. Red coral kukri snake, a very rare snake… today evening after rain near staff cottage.
Courtesy: staff resident.#Snake #rare@rameshpandeyifs @ParveenKaswan @susantananda3 @htTweets @skumarias02 #wildlense pic.twitter.com/whk3Gtemde— WildLense® (@WildLense_India) June 28, 2020