മുഖക്കുരു മാറ്റാൻ എന്തൊക്കെ പരീക്ഷിച്ചു ഒരു പ്രയോജനവുമില്ല , ഇങ്ങനെ വിഷമിക്കുന്നവരാണോ നിങ്ങൾ . മുഖകുരു മാറ്റാൻ നാട്ടിലുള്ള ക്രീമുകളും ,സോപ്പുകളും വാങ്ങി പണം കളയണമെന്നില്ല . പ്രകൃതി ദത്തമായ മാർഗങ്ങൾ തന്നെ നോക്കാവുന്നതാണ് .
മുഖക്കുരു വരാനുള്ള പ്രധാന കാരണം ബാക്ടീരിയകളാണ്. അതിനെ ഇല്ലായ്മ ചെയ്യാന്‍ ആര്യവേപ്പിലയിട്ട് തിളപ്പിച്ചാറ്റിയ വെള്ളം ഉപയോഗിക്കാം. വീര്യം കുറഞ്ഞ ഫേയ്‌സ് വാഷ് ഉപയോഗിക്കുക. വെയിലത്ത് ഇറങ്ങുമ്പോള്‍ സണ്‍ക്രീം ലോഷന്‍ ഉപയോഗിക്കുക. മുഖക്കുരുവിനെ ഇല്ലാതാക്കാന്‍ വീട്ടില്‍ത്തന്നെ ചെയ്യാന്‍ കഴിയുന്ന 10 മാര്‍ഗ്ഗങ്ങള്‍ അറിയാം.
1.ശുദ്ധ വെള്ളത്തില്‍ മുഖം നന്നായി കഴുകിയശേഷം രണ്ട് സ്പൂണ്‍ ശുദ്ധമായ തേനിലേക്ക് രണ്ടു തുള്ളി നാരങ്ങവെള്ളം ചേര്‍ത്തിളക്കി മുഖത്ത് തേച്ചുപിടിപ്പിക്കുക. ഒന്നര മണിക്കൂറിനു ശേഷം ചൂടുവെള്ളംകൊണ്ട് മുഖം കഴുകുക. ഇതു രണ്ടു പ്രാവശ്യം വീതം ഒരാഴ്ച തുടര്‍ന്നാല്‍ മുഖക്കുരു ഇല്ലാതാക്കാം.
2. വലിയമുഖക്കുരു വന്നാല്‍ ചെയ്യേണ്ടത്, ചെറുനാരങ്ങ രണ്ടായി മുറിച്ചു മുഖക്കുരുവില്‍ ഉരസുക. സിട്രിക്കാസിഡ് മുഖക്കുരു ഉണ്ടാക്കുന്ന ബാക്ടീരിയയെ നീക്കും.
3. മുഖക്കുരുകൊണ്ട് വേദന അനുഭവപ്പെടുന്നുണ്ടെങ്കില്‍ ഉരുളക്കിഴങ്ങ് മുറിച്ച് മുഖക്കുരുവിന് മുകളിലായി പത്തു മിനിറ്റ് വയ്‌ക്കുക. തണുത്ത വെള്ളത്തില്‍ മുഖം കഴുകി, മൃദുവായി ഒപ്പുക.
4. മുഖക്കുരുവിന്റെ തുടക്കമാണെങ്കില്‍ മുഖം ഐസ് ഉപയോഗിച്ച് കഴുകുക. ഇത് അണുക്കൾ പടരാതിരിക്കാന്‍ സഹായിക്കും.
5. തേന്‍ ബാക്ടീരിയ നാശിനിയാണ്. കിടക്കുന്നതിന് മുന്‍പ് തേന്‍ പുരട്ടുകയും രാവിലെ കഴുകിക്കളയുകയും ചെയ്യുക.
6. എണ്ണമയമാണ് മുഖക്കുരുവിനു കാരണം . ഇതൊഴിവാക്കാന്‍ ശര്‍ക്കര മുഖത്ത് തേയ്‌ക്കുന്നത് ഗുണം ചെയ്യും. മാസത്തില്‍ രണ്ട് തവണ ശര്‍ക്കര ഉപയോഗിച്ച് മസ്സാജ് ചെയ്യുക.
7. മുഖക്കുരു പടരാതിരിക്കാന്‍ പുതിന നീരോ പുതിന എണ്ണയോ മുഖത്ത് പുരട്ടി 10 മിനിറ്റിനു ശേഷം തണുത്ത വെള്ളത്തില്‍ കഴുകുക.
8. മുഖക്കുരു വല്ലാതെ പടര്‍ന്നിട്ടുണ്ടെങ്കില്‍ തേന്‍, കറുവാപ്പട്ട, ജാതിക്ക എന്നിവ ചേര്‍ത്ത് പേസ്റ്റുണ്ടാക്കി 30 മിനിറ്റ് മുഖത്തു പുരട്ടുക. ശേഷം തണുത്ത വെള്ളത്തില്‍ കഴുകിക്കളയുക.
9. ഭക്ഷണക്രമീകരണം ശീലമാക്കുക. പഞ്ചസാര നിറഞ്ഞ ബേക്കറി സാധനങ്ങള്‍ ഒഴിവാക്കുക. ഒപ്പം വറുത്തതും പൊരിച്ചതും നിശ്ശേഷം ഉപേക്ഷിക്കാം. പഴങ്ങള്‍ ധാരാളമായി കഴിക്കുക. മുഖം എപ്പോഴും തണുപ്പിക്കുക.
10. മുഖസൗന്ദര്യം നിലനിര്‍ത്താന്‍ ദിവസവും എട്ട് മുതല്‍ പത്തു ഗ്ലാസ്സ് വെള്ളം കുടിക്കുന്നതു ശീലമാക്കുക.
