ന്യൂഡല്ഹി: അതിര്ത്തിയില് ചൈന പ്രകോപനം തുടരുന്നതിനിടെ സൈനിക വിന്യാസം ശക്തമാക്കി ഇന്ത്യ. ഇതിന്റെ ഭാഗമായി ലഡാക്കില് ഇന്ത്യ സ്പെഷ്യല് ഫോഴ്സിനെ വിന്യസിച്ചു. അത്യാവശ്യ ഘട്ടം വന്നാല് ഉപയോഗിക്കാനാണ് ഇന്ത്യയുടെ സേനാവിന്യാസം.
രാജ്യത്തിന്റെ വിവിധ ഭാഗങ്ങളില് നിന്നുള്ള പാരാ കമാന്ഡോസിനെ ലഡാക്ക് അതിര്ത്തിയിലേക്ക് അയച്ചതായാണ് റിപ്പോര്ട്ട്. 2017ല് പാക് ഭീകര സംഘടനകളുടെ ക്യാമ്പില് ഇന്ത്യ നടത്തിയ സര്ജിക്കല് സ്ട്രൈക്കില് സുപ്രധാന പങ്ക് വഹിച്ചത് പാരാ കമാന്ഡോസായിരുന്നു. ചൈന പ്രകോപനം തുടര്ന്നാല് പാരാ കമാന്ഡോസിന്റെ സേവനം ഉറപ്പാക്കാനാണ് ഇന്ത്യയുടെ തീരുമാനം.
നിലവില് കിഴക്കന് ലഡാക്കിലാണ് പാരാ കമാന്ഡോസിനെ വിന്യസിച്ചതെന്നാണ് റിപ്പോര്ട്ട്. പ്രത്യേക പരിശീലനം നേടിയ 12ലധികം സ്പെഷ്യല് ഫോഴ്സുകളാണ് ഇന്ത്യന് സൈന്യത്തിന്റെ ഭാഗമായുള്ളത്. മരുഭൂമിയിലും മലനിരകളിലും വനത്തിലും യുദ്ധം ചെയ്യാന് ഇവര് പ്രത്യേക പരിശീലനം നേടിയിട്ടുണ്ട്.