സൈക്കിൾ ഓടിക്കുന്നവരുടെ മുകളിലൂടെ നടക്കുന്ന സ്ത്രീ. ഇൻറർനെറ്റിൽ വൈറലായ ഒരു വിഡിയോ ആണിത് .
അമേരിക്കൻ മുൻ ബാസ്ക്കറ്റ് ബോൾ താരമായിരുന്ന റെക്സ് ചാപ്മെൻ ആണ് ” മനുഷ്യർ ഭ്രാന്തന്മാരെ പോലെ നൂതനവും അവിശ്വസനീയമായ കാര്യങ്ങൾ ചെയ്യുന്നു ” എന്ന അടികുറിപ്പോടെ ട്വിറ്ററിൽ ഈ വീഡിയോ പോസ്റ്റ് ചെയ്തത് .
സർക്കസ് കലാകാരൻമാർ പോലും കാഴ്ച വെക്കാത്ത അഭ്യാസപ്രകടനമാണ് അഞ്ചു സെക്കൻഡുള്ള വീഡിയോയിൽ ദൃശ്യമാകുന്നത് .സൈക്കിൾ ഓടിക്കുന്ന ഒരു കൂട്ടം ആളുകളുടെ മുകളിലൂടെ അനായാസം നടക്കുന്ന ഒരു സ്ത്രീയെ ആണ് കാണാൻ സാധിക്കുന്നത് . വീഡിയോ പോസ്റ്റ് ചെയ്ത ഉടൻ തന്നെ ഒരു മില്യൺ കാഴ്ചയോടെ വൈറലാവുകയായിരുന്നു.
ഇതിന് മുൻപ് ആരും കാണാത്ത ഈ വിസ്മയ കാഴ്ച കാണികളെ അതിശയിപ്പിക്കുകയും അമ്പരപ്പിക്കുകയും ചെയ്തിരിക്കുന്നു . ട്വിറ്ററിൽ വീഡിയോ പലപ്രാവശ്യം റീട്വീറ്റ് ചെയ്യുകയും അത് കൂടാതെ കമന്റ്റ് സെക്ഷനിൽ കമൻറ്റുകളുടെ പ്രവാഹവുമാണ് നടന്നു കൊണ്ടിരിക്കുന്നത്. താൻ ഇത് കണ്ടില്ലായിരുന്നുവെങ്കിൽ വിശ്വസിക്കില്ലായിരുന്നു എന്നും പലരും കമന്റ് ചെയ്തു.
വീഡിയോ തരംഗമായപ്പോൾ , അതിൽ അഭ്യാസം കാണിക്കുന്ന സ്ത്രീ ,സുരക്ഷ ബെൽറ്റ് ധരിച്ചിരിക്കുന്നു എന്ന് ട്വിറ്റർ കണ്ടെത്തുകയും അവർ അതിനെക്കുറിച്ച് പോസ്റ്റ് ചെയ്യുകയും ചെയ്തു . ഒറ്റ നോട്ടത്തിൽ സുരക്ഷ ബെൽറ്റ് കാണാൻ സാധിക്കാത്ത തരത്തിലാണ് വീഡിയോ ഷൂട്ട് ചെയ്തിരിക്കുന്നത് എന്നും , സൂക്ഷിച്ചു നോക്കിയാൽ മാത്രമേ പുറകിൽ ഘടിപ്പിച്ചിരിക്കുന്ന ഹൂക് കാണാൻ സാധിക്കുകയുള്ളൂ എന്നും മറ്റുമുള്ള കമൻറ്റുകളും ഇതിനിടക്ക് പ്രത്യക്ഷപെട്ടു .എന്നാൽ ഇതിനെയൊക്കെ തഴഞ്ഞു കൊണ്ടാണ് കാഴ്ചക്കാർ ഈ വീഡിയോ ഇൻറ്റർനെറ്റിൽ ആഘോഷമാക്കിയിരിക്കുന്നത് .
