പ്രായപൂര്ത്തിയായ പെണ്കുട്ടികളുടെ ഇടയില് കണ്ടുവരുന്ന പ്രധാന പ്രശ്നമാണ് പോളിസിസ്റ്റിക് ഓവേറിയന് ഡിസീസ് അഥവാ പിസിഒഡി. ശരീരത്തിലുണ്ടാകുന്ന ഹോര്മോണ് വ്യതിയാനമാണ് ഇതിന് പ്രധാന കാരണം. ക്രമമല്ലാത്ത ആര്ത്തവം, അമിതവണ്ണം, അമിതമായ രോമവളര്ച്ച, ഓര്മ്മക്കുറവ്, മുടി കൊഴിച്ചില്, കഴുത്തിനു പിന്നിലുളള കറുപ്പ് എന്നിവയാണ് ഇതിന്റെ പ്രധാന ലക്ഷണങ്ങള്. ഓരോരുത്തരുടെയും ശരീരത്തിലെ ഹോര്മോണ് വ്യതിയാനത്തിന് അനുസരിച്ച് ലക്ഷണങ്ങളില് മാറ്റം വരാം. ചിലര്ക്ക് ഒരു ലക്ഷണം മാത്രമേ ഉണ്ടാകൂ എന്നാല് മറ്റു ചിലര്ക്ക് ഒന്നിലധികം ലക്ഷണങ്ങള് കണ്ടുവരുന്നു. അതുകൊണ്ടുതന്നെ ആരംഭത്തില് പിസിഒഡിയെ തിരിച്ചറിയാന് സാധിക്കണമെന്നില്ല.
ശരിയായ രീതിയില് ചികിത്സ നടത്തിയാല് മാത്രമേ പിസിഒഡിയെ എളുപ്പത്തില് മാറ്റിയെടുക്കാന് സാധിക്കുകയുളളൂ. അണ്ഡാശയങ്ങളെ ബാധിക്കുന്ന പിസിഒഡി ആര്ത്തവ പ്രശ്നങ്ങള്ക്ക് മാത്രമല്ല വന്ധ്യതയ്ക്കും കാരണമാകുന്നു. പിസിഒഡി പരിശോധനയില് അണ്ഡാശയത്തിന്റെ ഉപരിതലത്തില് നിരവധി ചെറുകുമിളകള് കോര്ത്തിണക്കിയതു പോലെയാവാം ഭൂരിഭാഗം പിസിഒഡിയും കാണപ്പെടുന്നത്. അണ്ഡാശയത്തില് ചെറുകുമിളകള് രൂപപ്പെടുകയും അണ്ഡവിസര്ജ്ജനം തടയുകയും ചെയ്യുന്നു. ഈസ്ട്രജന്, പ്രൊജസ്റ്ററോണ് ഹോര്മോണുകളുകള് ഉത്പാദിപ്പിക്കപ്പെടാത്തതിനാലാണ് അണ്ഡവിസര്ജ്ജനം നിലച്ചു പോവുന്നത്. ഭൂരിഭാഗം സ്ത്രീകളുടെയും പ്രധാന പ്രശ്നം ഇതുതന്നെയാണ്. പിസിഒഡി മാറി വരാനും ബുദ്ധിമുട്ടാണ്.
ഹോര്മോണ് അസന്തുലിതാവസ്ഥയാണ് ഇതിന്റെ ഒന്നാമത്തെ കാരണം. കൂടാതെ ശരീരത്തിലെ ഹോര്മോണ് വ്യതിയാനം ഗര്ഭധാരണം നടക്കാത്തതിന് കാരണമാകുന്നു. തുടക്കത്തില് ചികിത്സിക്കുന്നതാണ് ഏറ്റവും ഉത്തമം. ഇല്ലെങ്കില് ബുദ്ധിമുട്ടുകള് ഏറെയാണ്. കൃത്യമായ ജീവിത രീതി, ഭക്ഷണ ക്രമീകരണം, അമിതഭാരം കുറയ്ക്കാന് യോഗ പോലുള്ള വ്യായാമങ്ങള് എന്നിവ ശീലമാക്കുന്നതിനോടൊപ്പം ഡോക്ടറുടെ നിര്ദ്ദേശമനുസരിച്ച് മരുന്ന് കഴിക്കുന്നതിലൂടെ ഒരു പരിധിവരെ പിസിഒഡി തടയാന് സാധിക്കും.പിസിഒഡി ഗുരുതരമായ ഒരു രോഗമല്ല. പക്ഷേ അസുഖത്തിന്റെ പ്രധാന്യം തിരിച്ചറിഞ്ഞ് ആരംഭത്തില് തന്നെ ഡോക്ടറെ കാണുകയും വേണ്ട പരിഹാരം തേടുകയും ചെയ്താല് പെട്ടെന്ന് അസുഖം വിട്ടുപോവുകയും സത്രീകളിലെ അമ്മയെന്ന സ്വപ്നം യാഥാര്ത്ഥ്യമാവുകയും ചെയ്യും
