ലണ്ടന്: ഇംഗ്ലീഷ് പ്രീമിയര് ലീഗില് ആഴ്സണല് ലെസ്ററര് മത്സരം സമനിലയില്. നിശ്ചിത സമയത്ത് ഇരുടീമുകളും ഓരോ ഗോളുകളടിച്ചാണ് സമനിലയില് പിരിഞ്ഞത്. പീയറെ എംറിക്കാണ് 21-ാം മിനിറ്റില് ആഴ്സണലിന് വേണ്ടി ആദ്യഗോള് നേടി. കളി തീരാന് മിനിറ്റുകള് ശേഷിക്കേ ജാമീ വാര്ഡി ലെസ്റ്ററിനായി സമനില ഗോള്നേടി. ആഴ്സണലിന്റെ എഡ്ഡീ നേറ്റിയ 75-ാം മിനിറ്റില് ചുവപ്പുകാര്ഡുകണ്ട് പുറത്തായി. 34 മത്സരങ്ങളിലായി 59 പോയിന്റുകളുമായി ലീഗില് നാലാം സ്ഥാനക്കാരാണ് ലെസ്റ്റര്. അത്രയും കളികളിലായി 50 പോയിന്റുകളുമായി 7-ാം സ്ഥാനത്താണ് ആഴ്സണലുള്ളത്.
ഇന്ന് നടക്കുന്ന മറ്റ് മത്സരങ്ങളില് ലീഗിലെ രണ്ടാം സ്ഥാനക്കാരായ മാഞ്ചസ്റ്റര് സിറ്റിയും ന്യൂകാസിലും ഏറ്റുമുട്ടും. രണ്ടാം മത്സരത്തില് വെസ്റ്റ്ഹാമിന്റെ പോരാട്ടം ബോണ്ലീക്കെതിരെയാണ്. മൂന്നാം മത്സരത്തില് ഷെഫീല്ഡ് യുണൈറ്റഡ് വൂള്വിസിനെതിരെ കളത്തിലിറങ്ങും. ലീഗിലെ പോയിന്റ് പട്ടികയില് വൂള്വ്സ് മികച്ച കളികളിലൂടെ 52 പോയിന്റുകളുമായി 6-ാം സ്ഥാനം പിടിച്ചിരിക്കുകയാണ്.ആഴ്സണലും ടോട്ടനവും ഇവര്ക്ക് പിന്നിലാണെന്നതാണ് പ്രത്യേകത. ഇവര്ക്ക് തൊട്ടുതാഴെ 9-ാം സ്ഥാനത്താണ് ഷെഫീല്ഡ് യുണൈററഡ് ഉള്ളത്.10-ാം സ്ഥാനത്ത് ബേണ്ലും നിലയുറപ്പിച്ചിരിക്കുകാണ്.