മാഡ്രിഡ്: പോയിന്റ് നിലയില് നേരിയ വ്യത്യാസത്തിലുള്ള ബാഴ്സലോണയ്ക്കും റയല് മാഡ്രിഡിനും നാളെ നിര്ണ്ണായകം. റയല് മാഡ്രിഡ് നാളെ ആല്വസിനെ നേരിടുമ്പോള് വല്ലാഡോലിഡിനെ മറികടക്കാനാണ് ബാഴ്സലോണ ഇറങ്ങുന്നത്. നിലവില് ഒറ്റ പോയിന്റ് മാത്രം വ്യത്യാസത്തിലാണ് റയല് ബാഴ്സയ്ക്ക് മുന്നിലുള്ളത്.
കഴിഞ്ഞ ദിവസം ഒരു ഗോളിന്റെ ജയത്തില് ബാഴ്സലോണ ലീഗില് റയലിനോട് അടുത്തെ ത്തിയിരിക്കുകയാണ്. എസ്പാനിയോളിനെയാണ് ബാഴ്സ സുവാരസിന്റെ ഗോളില് തോല്പ്പിച്ചത്. എന്നാല് ആന്സു ഫാത്തിയ്ക്ക് ചുവപ്പുകാര്ഡു കിട്ടിയത് അടുത്ത കളി കടുപ്പമുള്ളതാക്കും. വില്ലാറയലിനെതിരെ 4-0ന്റെ ജയം നേടിയാണ് ബാഴ്സ കഴിഞ്ഞയാഴ്ച വീണ്ടും മുന്നേറ്റം ശക്തമാക്കിയത്. എന്നാല് അതിന് മുമ്പുള്ള രണ്ടു കളികളിലെ സമനിലയാണ് ബാഴ്സലോണയ്ക്ക് ലീഗിലെ ഒന്നാം സ്ഥാനം നഷ്ടപ്പെടുത്തിയത്.
കഴിഞ്ഞ ഏഴു കളികളില് തുടര്ച്ചയായി ജയിച്ചാണ് റയല് ഒന്നാം സ്ഥാനത്തേക്ക് തിരികെ കയറിയത്. നാളെ ആല്വെസുമായുള്ള പോരാട്ടത്തില് ജയിച്ചാല് റയല് ഒന്നാം സ്ഥാനത്തു തന്നെ തുടരും. തോറ്റാല് ബാഴ്സ മുന്നില് കയറും.