ജൊഹന്നാസ്ബര്ഗ്: വര്ണ്ണവിവേചനത്തിനെതിരെ ദക്ഷിണാഫ്രിക്കന് മുന് ക്രിക്കറ്റ് താരം മഖായ എന്റീനി രംഗത്ത്. രാജ്യത്താകമാനം വര്ണവിവേചനത്തിനെതിരെ പ്രചാരണം നടത്തുമെന്ന് ദക്ഷിണാഫ്രിക്കന് ക്രിക്കറ്റ് ബോര്ഡ് പ്രഖ്യാപിച്ചതിന് പിന്നാലെയാണ് എന്
ടീനിയുടെ തുറന്നുപറച്ചില്. സ്വന്തം ടീമില്നിന്നാണ് തനിക്ക് നിരവധി തവണ ദുരനുഭവമു ണ്ടായതെന്നാണ് എന്റീനി പറയുന്നത്. വലിയ പ്രത്യഘാതങ്ങള് സുഷ്ടിച്ചേക്കാവുന്ന വെളിപ്പെടുത്തലാണ് എന്റീനി നടത്തിയതെന്ന് മാദ്ധ്യമങ്ങള് ചൂണ്ടിക്കാണിക്കുന്നു.
ഭക്ഷണം കഴിക്കാന് നേരത്ത് ആരും തന്നെ മുറിയില്വന്ന് ഒരിക്കല് പോലും വിളിച്ചിട്ടില്ല. തന്നെ നോക്കുകുത്തിയാക്കി ടീമിലെ എല്ലാ കാര്യങ്ങളും പ്ലാന് ചെയ്യുമായിരുന്നു. ഒരിക്കലും ഒരു അഭിപ്രായവും ചോദിച്ചിരുന്നില്ലെന്നും എന്റീനി പറഞ്ഞു.
പ്രഭാത ഭക്ഷണം കഴിക്കാന് നേരം തനിക്കൊപ്പം ആരും വന്നിരുന്നില്ല. ഞങ്ങളെല്ലാം ഒരേ ദേശീയഗാനം പാടുന്നവരും ഒരു രാജ്യത്തിന്റെ വേഷം ധരിക്കുന്നവരുമായിരുന്നു. എന്നാല് ആ ഒറ്റപ്പെടല് താന് അനുഭവിച്ചത് വലിയ വേദനയോടെയാണെന്നും എന്റീനി പറഞ്ഞു. പലപ്പോ ഴും ബസ്സില് താരങ്ങള്ക്കൊപ്പം കയറാതെ മാറിനിന്നിരുന്നുവെന്നും കിറ്റ് ബസ് ഡ്രൈവറെ ഏല്പ്പിച്ച് സ്റ്റേഡിയത്തിലേയ്ക്ക് ഓടുമായിരുന്നുവെന്നും എന്റീനി വെളിപ്പെടുത്തി.
ജയിക്കുമ്പോള് എല്ലാവരും സന്തോഷിച്ചാലും തോറ്റാല് ആദ്യം കുറ്റം ഏല്ക്കേണ്ടി വന്നിരുന്നത് താനായിരുന്നെന്നും മികച്ച പേസ് ബൗളറായിരുന്ന മഖായ എന്റീനി പറഞ്ഞു. നിലവില് അണ്ടര് 19ല് കൡക്കുന്ന മകന് താണ്ടോവിനും വംശീയ വിദ്വേഷം ഏല്ക്കുന്ന കാഴ്ചയാണെന്നും എന്റീനി വെളിപ്പെടുത്തിയിരിക്കുകയാണ്. 390 ഏകദിനങ്ങളിലായി 226വിക്കറ്റുകളെടുത്ത താരമാണ് എന്റീനി.
