ദുബായ്: ട്വന്റി- 20 ലോകകപ്പ് ക്രിക്കറ്റ് മത്സരം മാറ്റി വെച്ചു. രാജ്യാന്തര ക്രിക്കറ്റ് കൗണ്‍സില്‍ ഇന്ന് ചേര്‍ന്ന യോഗത്തിലാണ് തീരുമാനം. 2021 ഒക്ടോബര്‍ 18 മുതല്‍ നവംബര്‍ 22 വരെ ഓസ്‌ട്രേലിയയിലാണ് ലോകകപ്പ് നിശ്ചയിച്ചിരുന്നത്. ഓസ്‌ട്രേലിയില്‍ രണ്ടാംഘട്ട കൊറോണ വ്യാപനത്തിന്റെ പശ്ചാത്തലത്തിലാണ് മത്സരം നീട്ടിവെച്ചത്. 2022 ല്‍ മത്സരങ്ങള്‍ നടത്താനാണ് തീരുമാനം.
2022 ഒക്ടോബര്‍ മുതല്‍ നവംബര്‍ 22 വരെയാകും മത്സരങ്ങള്‍. ഫൈനല്‍ മത്സരം നവംബര്‍ 13 നായിരിക്കും നടക്കുക. കൊറോണ വൈറസ് വ്യാപനത്തെ തുടര്‍ന്ന് സാഹചര്യം മോശമായിരിക്കുന്ന അവസ്ഥയില്‍ ലോകകപ്പ് നടത്തുന്നത് ദോഷകരമാകുമെന്ന വിലയിരുത്തലിനെ തുടര്‍ന്നാണ് മത്സരങ്ങള്‍ മാ്റ്റിവെയ്‌ക്കാന്‍ തീരുമാനിച്ചത്.
അതേസമയം ഇന്ത്യ ആതിഥേയത്വം വഹിക്കുന്ന ക്രിക്കറ്റ് ലോകകപ്പ് മത്സരത്തില്‍ മാറ്റമില്ല. ഇന്ത്യയില്‍ മത്സരങ്ങള്‍ 2023 ഒക്ടോബര്‍ മുതല്‍ നവംബര്‍ വരെ നടക്കും. നവംബര്‍ 26 നാണ് ഫൈനല്‍.
