മെല്ബണ്: ഈ വര്ഷം അവസാനത്തോടെ നടക്കാനിരിക്കുന്ന ഓസ്ട്രേലിയന് പര്യടനത്തിനു മുന്നോടിയായി ടീം ഇന്ത്യയെ ക്വാറന്റൈന് ചെയ്തേക്കും. ക്രിക്കറ്റ് ഓസ്ട്രേലിയയുടെ ചീഫ് എക്സിക്യൂട്ടീവായ നിക്ക് ഹോക്ക്ലിയാണ് ഇക്കാര്യം അറിയിച്ചത്. ഡിസംബര് 4നാണ് പരമ്പരക്ക് തുടക്കമാകുക.
’14 ദിവസത്തെ ക്വാറന്റൈനുമായി ബന്ധപ്പെട്ട കാര്യങ്ങളില് ഏകദേശം ധാരണയിലെത്തിക്കഴിഞ്ഞു. ക്വാറന്റൈനിലാണെങ്കിലും മികച്ച പരിശീലനം ലഭ്യമാക്കാനുള്ള സൗകര്യം ഒരുക്കുകയാണ് ഞങ്ങളുടെ ലക്ഷ്യം. ഇതിലൂടെ പരമ്പരക്ക് മികച്ച മുന്നൊരുക്കം നടത്താന് ടീം അംഗങ്ങള്ക്ക് സാധിക്കുമെന്നാണ് വിലയിരുത്തല്’. ഹോക്ക്ലി പറഞ്ഞു.
ഇന്ത്യയുടെ ഓസ്ട്രേലിയന് പര്യടനത്തില് നാല് ടെസ്റ്റുകളുടെ പരമ്പരയാണുള്ളത്. ബ്രിസ്ബെയ്നില് ആരംഭിക്കുന്ന ആദ്യ ടെസ്റ്റിനു മുന്നോടിയായി ഓസ്ട്രേലിയയില് എത്തുന്ന ടീം ഇന്ത്യയെ 14 ദിവസത്തെ ക്വാറന്റൈനില് പ്രവേശിപ്പിച്ചേക്കാമെന്നാണ് അന്താരാഷ്ട്ര മാദ്ധ്യമങ്ങളും റിപ്പോര്ട്ട് ചെയ്യുന്നത്. അഡ്ലെയ്ഡിലാകും താരങ്ങളെ ക്വാറന്റൈന് ചെയ്യുക.
