ന്യൂഡല്ഹി: കൊറോണ വൈറസിന്റെ പശ്ചാത്തലത്തില് മുടങ്ങിയ ഐപിഎല് മത്സരങ്ങള് പുനരാരംഭിക്കുന്നു. സെപ്തംബര് 19നാണ് മത്സരങ്ങള് ആരംഭിക്കുക. യുഎഇയിലെ മൂന്ന് വേദികളില് വെച്ചാണ് മത്സരങ്ങള് നടത്തുകയെന്ന് ബിസിസിഐ അറിയിച്ചു. നവംബര് 8നാണ് ഫൈനല് നടത്താന് തീരുമാനിച്ചിരിക്കുന്നത്.
നേരത്തെ, ഐപിഎല് മത്സരങ്ങള് മാര്ച്ച് 29ന് നടത്താനായിരുന്നു തീരുമാനിച്ചിരുന്നത്. എന്നാല്, കൊറോണ വൈറസിന്റെ പശ്ചാത്തലത്തില് മത്സരം മാറ്റിവെക്കുകയായിരുന്നു. പിന്നീട് നിരവധി തവണ തീയതികളുമായി ബന്ധപ്പെട്ട് ചര്ച്ചകള് നടന്നെങ്കിലും വൈറസ് വ്യാപനത്തിന്റെയും ലോക്ക് ഡൗണിന്റെയും പശ്ചാത്തലത്തില് ടൂര്ണമെന്റ് സംഘടിപ്പിക്കാന് സാധിച്ചിരുന്നില്ല.
അതേസമയം, ഐപിഎല് മത്സരങ്ങളിലൂടെ ഇന്ത്യന് ടീമിലേക്ക് തിരികെ എത്താന് മുന് നായകന് മഹേന്ദ്ര സിംഗ് ധോണിക്ക് വീണ്ടും അവസരം ലഭിച്ചിരിക്കുകയാണ്. ലോകകപ്പ് സെമി ഫൈനലില് ന്യൂസിലന്ഡിനോട് പരാജയപ്പെട്ടതിനു ശേഷം ധോണി കളിക്കളത്തില് നിന്നും വിട്ടുനില്ക്കുകയായിരുന്നു. ധോണിയുടെ മടങ്ങി വരവ് സംബന്ധിച്ച ചര്ച്ചകള്ക്ക് ചൂടുപിടിച്ചതോടെ ആരാധകരും ആവേശത്തിലാണ്.