മിലാന്: ഇറ്റാലിയന് ലീഗില് ഇന്റര് മിലാന് തകര്പ്പന് ജയം. ജനോവക്കെതിരെ എതിരില്ലാത്ത മൂന്നു ഗോളുകള്ക്കാണ് ജയം നേടിയത്. റൊമേലൂ ലൂക്കാക്കുവിന്റെ ഇരട്ട ഗോളുകളാണ് ഇന്ററിന് കരുത്തുറ്റ വിജയം സമ്മാനിച്ചത്. ജയത്തോടെ ലീഗില് യുവന്റസുമായി ഇനി നാലുപോയിന്റ് വ്യത്യാസം മാത്രം.
കളിയുടെ 34-ാം മിനിറ്റിലാണ് ആദ്യ ഗോള് പിറന്നത്. ആദ്യപകുതിയില് 1-0ന്റെ ലീഡ് നിലനിര്ത്തിയ മിലാന് രണ്ടാം പകുതിയില് വീണ്ടും രണ്ടു ഗോളുകള് കൂടി ജെനോവയ്ക്കെ തിരെ മിലാന് നേടി. 83-ാം മിനിറ്റില് അലെക്സ് സാഞ്ചസാണ് രണ്ടാം ഗോളിന് അവകാശി യായത്. കളിതീരാന് നിമിഷങ്ങള് ബാക്കി നില്ക്കേ അധികസമയമായ 93-ാം മിനിറ്റില് ലൂകാകു തന്റെ രണ്ടാം ഗോളും നേടി.
രണ്ടാം മത്സരത്തില് നാപ്പോളി എതിരില്ലാത്ത രണ്ടു ഗോളുകള്ക്കാണ് ജയിച്ചത്. സാസൂവോള യെയാണ് തോല്പ്പിച്ചത്. 8-ാം മിനിറ്റില് ഹെല്സീദ് ഹൈസാജാണ് നാപ്പോളിയ്ക്കായി തുടക്കമിട്ടത്. രണ്ടാം പകുതിയുടെ 93-ാം മിനിറ്റില് അലന്റെ വകയായിരുന്നു രണ്ടാമത്തെ ഗോള്. ലീഗില് പോയിന്റ് നിലയില് യുന്റസ് 35 മത്സരങ്ങളിലായി 80 പോയിന്റുമായി ഒന്നാം സ്ഥാനത്താണ്. ഇന്റര്മിലാന് 36 മത്സരങ്ങളില് നിന്നും 76 പോയിന്റാണുള്ളത്. മൂന്നാം സ്ഥാനത്ത് അത്ലാന്റ 75 പോയിന്റുമായി നില്ക്കുകയാണ്. നാലും അഞ്ചും സ്ഥാനങ്ങളില് ലാസിയോയും റോമയുമാണ്.
