മുംബൈ: ഐ.പി.എല് തീയതികളില് മാറ്റങ്ങള് ഇനിയും വന്നേക്കാമെന്ന് സൂചന. നിലവില് ഫൈനലിനായി തീരുമാനിച്ചിരിക്കുന്ന തീയതി മാറ്റണമെന്ന ആവശ്യമാണ് ഉയര്ന്നിരിക്കുന്നത്. സ്റ്റാര് സ്പോര്ട്സിന്റെ അഭ്യര്ത്ഥനയാണ് നിലവില് ബി.സി.സി.ഐയുടെ മുന്നിലെത്തിയിരിക്കുന്നത്.
കലാശപോരാട്ടം തീരുമാനിച്ചിരിക്കുന്ന നവംബര് 8 എന്നത് 10-ാം തീയതിയിലേയ്ക്ക് മാറ്റണമെന്നാണ് ആവശ്യം. ദീപാവലി പ്രമാണിച്ചാണ് ആവശ്യം ഉയര്ന്നിരിക്കുന്നത്. കാണികള് കുറയും എന്നതാണ് സ്റ്റാര് സ്പോര്ട്സ് മുന്നോട്ട് വയ്ക്കുന്ന വാദം. വാദം അംഗീകരിച്ചാല് ആദ്യമായി ഞായറാഴ്ചയല്ലാത്ത ഒരു ദിവസം ഫൈനല് നടത്തേണ്ടിവരും.
കൊറോണ കാരണം മത്സരങ്ങളെല്ലാം ദുബായിയിലാണ് തീരുമാനിച്ചിരിക്കുന്നത്. ഇതുമൂലം ടി.വി കാണുന്നവരുടെ എണ്ണത്തില് ദീപാവലി പ്രമാണിച്ച് കുറവുവരുമെന്നാണ് മുന്നോട്ട് വയ്ക്കുന്ന ഒരു വാദം. സെപ്തംബര് 19 മുതലാണ് യു.എ.ഈയില് ഐ.പി.എല് നടത്താന് ധാരണയായിരിക്കുന്നത്.
