ഇംഫാല്: അതിര്ത്തിയ്ക്കടുത്ത് കമ്യൂണിസ്റ്റ് ഭീകരരോട് ഏറ്റുമുട്ടി വീരമൃത്യുവരിച്ച മൂന്ന് ജവാന്മാര്ക്ക് വിട നല്കി മണിപ്പൂര് . സര്ക്കാറിന്റെ ആദരസൂചകമായി മുഖ്യമന്ത്രി നോങ്തോംഗ്ബാം ബീരേന് സിംഗ് പുഷ്പചക്രം അര്പ്പിച്ചു. കഴിഞ്ഞ വാഴാഴ്ചയാണ് അസം റൈഫിള്സ് സൈനികര്ക്ക് നേരെ ലിബറേഷന് ആര്മിയടക്കമുള്ള കമ്യൂണിസ്റ്റ് ചൈനയുടെ പിന്തുണയുള്ള മ്യാന്മാര് ഭീകരര് ആക്രമണം നടത്തിയത്. മൂന്ന് സൈനികര് വീരമൃത്യുവരിച്ച സംഭവത്തില് അഞ്ചു സൈനികര്ക്ക് പരിക്കേല്ക്കുകയും ചെയ്തിരുന്നു.
ഇന്ത്യന് ജനാധിപത്യത്തിന് നേരെയാണ് ആക്രമണം നടന്നത്. ഇന്ത്യയുടെ ജനാധിപത്യ വ്യവസ്ഥയില് അക്രമത്തിന് ഒരു സ്ഥാനവുമില്ല. എന്നാല് രാജ്യത്തിന് നേരെയുള്ള ഭീഷണിയ്ക്ക് നേരെ കൈയ്യും കെട്ടി കാഴ്ചക്കാരാകാനും സംസ്ഥാനത്തിന് കഴിയില്ലെന്നും മുഖ്യമന്ത്രി ബീരാന് സിംഗ് മുന്നറിയിപ്പ് നല്കി. സൈനികരേയും രാജ്യത്തേയും അപായപ്പെടുത്തുന്ന എല്ലാവരേയും കണ്ടെത്തുക തന്നെ ചെയ്യും. അതേസമയം സായുധഭീകര സംഘടനകളോട് ഇന്ത്യയ്ക്കകത്തെ വിഷയങ്ങളില് രാഷ്ട്രീയമായ സമവായത്തിന് തയ്യാറാകണമെന്നും മുഖ്യമന്ത്രി ബീരേന് സിംഗ് പറഞ്ഞു.
മണിപ്പൂര് മ്യാന്മാര് അതിര്ത്തിയിലാണ് അസം റൈഫിള്സിന്റെ സൈനികര്ക്ക് നേരെ ആക്രമണം നടന്നത്. ചാന്ദേല് ജില്ലയില് ഖോംഗ്താള് പ്രദേശത്തായിരുന്നു ആക്രമണം .സൈനിക വാഹനവ്യൂഹത്തിന് നേരെ ഷെല്ലാക്രമണവും വെയിവെയ്പ്പും നടത്തിയാണ് ഭീകരരുടെ ഓളിപ്പോര്. മണിപ്പൂര് നാഗാ പീപ്പീള്സ് ഫ്രന്റ്, റെവല്യൂഷണറി പീപ്പീള്സ് ഫ്രന്റ്, യുണൈറ്റഡ് ലിബറേഷന് ഫ്രന്റ് ഓഫ് അസം ഇന്റിപെന്റന്റ് എന്നീ സംഘടനകള് സംയുക്തമായി അക്രമത്തിന്റെ ഉത്തരവാദിത്വം ഏറ്റെടുത്തിരിക്കുകയാണ്.