ആത്മവിശ്വാസമുണ്ടെങ്കില് ഏത് പരിമിതികളെയും നേരിട്ട് വിജയം കൈവരിക്കാം എന്ന് പറയാറുണ്ട്. നിശ്ചയദാര്ഢ്യവും ആത്മവിശ്വാസവും കൊണ്ട് ശാരീരിക പരിമിതികള് മറികടന്ന ജീവിത വിജയം കൈവരിച്ച നിരവധി പേര് നമുക്ക് ചുറ്റുമുണ്ട്. എന്നും നമുക്ക് പ്രചോദനം തന്നെയാണ് അത്തരത്തിലുള്ളവര്. അങ്ങനെയൊരു മനുഷ്യന്റെ പോരാട്ടത്തെ കുറിച്ച് പങ്കിട്ടിരിക്കുകയാണ് മുന് ഇന്ത്യന് ക്രിക്കറ്റ് താരം വി വി എസ് ലക്ഷ്മണ്. ഇച്ഛാശക്തി കൊണ്ട് ജീവിത വിജയം കൈവരിച്ച മദന് ലാല് എന്നയാളെ കുറിച്ചാണ് തന്റെ ട്വിറ്റര് പേജിലൂടെ അദ്ദേഹം വ്യക്തമാക്കിയിരിക്കുന്നത്.
ഇരുകൈകളുമില്ലാത്ത മദന് ലാല് തയ്യല് ജോലിയിലൂടെയാണ് ഉപജീവനം നടത്തുന്നത്. ഹരിയാന സ്വദേശിയായ മദന് ലാല് തന്റെ ഇരു കാലുകളും ഉപയോഗിച്ചാണ് തയ്യല് ജോലികള് ചെയ്യുന്നത്. പലരും വിധിയെ കുറിച്ചും ജീവിതത്തെ കുറിച്ചും പരാതിപ്പെടുമ്പോള് മദന് ലാലിനെ പോലുള്ളവര് വലിയ പ്രചോദനമാണ് സമൂഹത്തിന് നല്കുന്നതെന്ന് ലക്ഷ്മണ് വ്യക്തമാക്കി.
കൈകള് ഇല്ലാത്തതിനാല് അദ്ദേഹം വളരെയധികം പ്രയാസങ്ങള് നേരിടുന്നുണ്ട്. പക്ഷെ അദ്ദേഹം നിരാശനായി ജീവിക്കുകയല്ല ചെയ്യുന്നത്. കാലുകള് ഉപയോഗിച്ച് തയ്ക്കാന് പഠിച്ചു. അദ്ദേഹത്തിന്റെ തയ്യല് കട ഇപ്പോള് നന്നായി പ്രവര്ത്തിക്കുന്നുണ്ട്. ആളുകള് അവരുടെ വിധിയെ കുറിച്ചും ജീവിതത്തെ കുറിച്ചും പരാതിപ്പെടുന്നത് അവസാനിക്കാത്ത ഈ ലോകത്ത് മദന് ലാല് ഒരു പ്രചോദനമാണ്. അദ്ദേഹം ട്വിറ്ററില് കുറിച്ചു.
Madan Lal from Haryana has no arms and went through a lot of struggle. But , he did not give up and learnt tailoring using his feet and his tailoring shop is doing well.
In a world, where people don’t stop complaining about their fate and life, Madan Lal is an inspiration. pic.twitter.com/zDHGH8MO5i— VVS Laxman (@VVSLaxman281) August 1, 2020