കശ്മീർ താഴ്വരകളിൽ വളരുന്ന കുങ്കുമത്തിന് കേന്ദ്രസര്ക്കാരിന്റെ ഭൗമസൂചികാപദവി. ആഗോള വിപണിയിൽ എത്തിക്കുന്ന വസ്തുക്കളുടെ ഉത്ഭവ സ്ഥലം , അതിന്റെ പ്രത്യേകതകൾ തുടങ്ങിയ വിശേഷണങ്ങൾ രേഖപ്പെടുത്തുന്ന നാമമോ അടയാളമോ ആണ് ജി ഐ സർട്ടിഫിക്കേഷൻ അഥവാ ജിയോഗ്രഫിക്കൽ ഇൻഡിക്കേഷൻ എന്ന് പറയുന്നത് .
നാഷണൽ മിഷൻ ഓൺ സഫ്റോൺ എന്ന് നാമം നൽകിയിരിക്കുന്ന സംഘടനയുടെ നേതൃത്വത്തിൽ നടന്ന പദ്ധതികളുടെ ഭാഗമായി കുങ്കുമത്തിന്റെ കേന്ദ്രമായ പാംപോറിൽ നിന്ന് ഈ വർഷം കുങ്കുമത്തിന്റെ വിളവെടുപ്പ് ഇരട്ടിയിലധികമാകും എന്ന പ്രതീക്ഷയിലാണ് അധികൃതർ .
എൻ എം എസിന്റെ കീഴിൽ സർക്കാർ അനുവദിച്ച 411 കോടി രൂപയുപയോഗിച്ചു കൊണ്ട് 3715 ഹെക്ടർ കുങ്കുമ കൃഷിയാണ് പുനരുജ്ജീവിപ്പിച്ചത് . ജി ഐ സർട്ടിഫിക്കേഷൻ നൽകുന്നത് മൂലം മായമില്ലാത്ത യഥാർത്ഥ കുങ്കുമം വിപണിയിലെത്തിക്കാൻ സാധിക്കുകയും അതുവഴി കർഷകർക്ക് നല്ല വില ലഭിക്കുകയും ചെയ്യും .
സമുദ്രനിരപ്പില്നിന്ന് 1600 മീറ്റര് ഉയരത്തില് കുങ്കുമച്ചെടി വളരുന്ന ഏകസ്ഥലമാണ് കശ്മീര്. .നൂറിൽ കൂടുതൽ വർഷങ്ങളായി കശ്മീരി കുങ്കുമം പാംപോറിൽ കൃഷി ചെയ്യാൻ ആരംഭിച്ചിട്ട് .ടൂറിസ്റ്റുകളുടെ ആകർഷണ കേന്ദ്രമായ പാംപോറിലേക്കു ശ്രീനഗറിൽ നിന്ന് അരമണിക്കൂർ നീണ്ട യാത്രയെ ഉള്ളൂ .
കടും ചുവപ്പു നിറം , സവിശേഷ സുഗന്ധം , കയ്പു നിറഞ്ഞ രുചി എന്നിവ കശ്മീരി കുങ്കുമത്തിന്റെ മാത്രം സവിശേഷതകളാണ് . ഗുണമേന്മയിൽ ഏറ്റവും മുന്നിൽ നിൽക്കുന്നതും കശ്മീരി കുങ്കുമമാണ്
Comments