ലോക് ഡൗണ് കാലത്ത് ഏറ്റവും കൂടുതല് ആളുകള് പരീക്ഷിച്ചത് ചക്ക കൊണ്ടുളള വിഭവങ്ങളാണ്. തൊടിയിലും പറമ്പിലും ആവശ്യമില്ലാതെ പഴുത്തും ചീഞ്ഞും നാനാഭാഗത്തും ചിതറിക്കിടന്നിരുന്ന ചക്കയ്ക്ക് ആവശ്യക്കാര് ഇല്ലായിരുന്നു. എന്നാല് ലോക് ഡൗണ് ആയപ്പോള് ചക്കക്കുരു കൊണ്ടുളള ഷേക്ക് വരെ രംഗത്തെത്തി. എന്നാല് അതിലും സ്വാദിഷ്ടമായി ചക്ക കൊണ്ടൊരു വിഭവം ഉണ്ടാക്കാം അതു മറ്റൊന്നുമല്ല ഇടിച്ചക്ക കൊണ്ട് ഒരു നാടന് കട്ലേറ്റ്.
ആദ്യം ഇടിച്ചക്ക നന്നായി വൃത്തിയാക്കി കഷ്ണങ്ങളായി ഉപ്പിട്ട് വേവിച്ച് ചതച്ചെടുക്കുക. മറ്റൊരു പാത്രത്തില് ഉരുളക്കിഴങ്ങ് പുഴുങ്ങി തൊലികളഞ്ഞ് വേവിച്ച് മാറ്റിവെക്കുക. അതിനുശേഷം ചുവടു കട്ടിയുള്ള ഒരു പാത്രം അടുപ്പില് വച്ച് വെളിച്ചെണ്ണ ഒഴിച്ച് അതിലേക്ക് ഇഞ്ചി വെളുത്തുളളി പേസ്റ്റ്, അരിഞ്ഞെടുത്ത സവാള, പച്ചമുളക് എന്നിവ ചേര്ക്കുക. ശേഷം മഞ്ഞള്പ്പൊടി, ഗരംമസാലപ്പൊടി, ഇറച്ചി മസാലപൊടി എന്നിവ ചേര്ത്ത് കൊടുക്കുക പിന്നീട് തക്കാളിയും മല്ലിയിലയും ചേര്ത്ത് നന്നായി ഇളക്കുക. അതിലേക്ക് പുഴുങ്ങി തൊലികളഞ്ഞ് മാറ്റിവെച്ചിരിക്കുന്ന ഉരുളക്കിഴങ്ങും ചേര്ത്ത് നന്നായി ഇളക്കി കൊടുക്കുക.
അതിനു ശേഷം ഈ മിശ്രിതം തണുക്കാനായി മാറ്റി വയ്ക്കുക. ഒരു പാത്രത്തില് നാല് കോഴി മുട്ട അടിച്ചു ചേര്ത്തതും മറ്റൊരു പാത്രത്തില് റൊട്ടി പൊടിയും എടുത്തുവയ്ക്കുക. മിശ്രിതം ചൂടാറിയ ശേഷം ചെറിയ ഉരുളകളാക്കി കയ്യില് വെച്ച് വട്ടത്തില് പരത്തിയെടുക്കുക അതിനുശേഷം കോഴിമുട്ടയില് മുക്കി റൊട്ടിപ്പൊടിയില് പൊതിഞ്ഞ ശേഷം ചൂടുള്ള എണ്ണയിലിട്ട് വറുത്തുകോരുക. ബ്രൗണ് നിറമാകുമ്പോള് ഭാഗം മറിച്ചിട്ടു കൊടുക്കുക. അഞ്ചു മിനിറ്റിനുള്ളില് തന്നെ കട്ലേറ്റ് പാകമായി വരും. ആവുന്നതിന് അനുസരിച്ച് ഒരു പാത്രത്തിലേക്ക് മാറ്റി കൊടുക്കുക. ചൂടോടെ സോസ് കൂട്ടി കഴിക്കാം. ഏറ്റവും നല്ല ഒരു നാലുമണി പലഹാരമാണിത്. വളരെ സ്വാദിഷ്ടവും ആരോഗ്യകരവുമാണ് ഈ ഇടിച്ചക്ക കട്ലേറ്റ്.
