മഹേന്ദ്ര സിംഗ് ധോണി വിരമിച്ചു

ന്യൂഡല്‍ഹി: മുന്‍ ഇന്ത്യന്‍ നായകന്‍ മഹേന്ദ്ര സിംഗ് ധോണി വിരമിച്ചു. രാജ്യാന്തര ക്രിക്കറ്റില്‍ നിന്നും വിരമിക്കുന്നതായി ധോണി അറിയിച്ചു. ഇന്‍സ്റ്റഗ്രാം പോസ്റ്റിലൂടെയാണ് അദ്ദേഹം ഇക്കാര്യം അറിയിച്ചത്. ഇന്ത്യയ്‌ക്ക് വേണ്ടി ഏകദിന ട്വന്റി 20 ലോകകപ്പുകള്‍ നേടിയ ഏക ഇന്ത്യന്‍ നായകനാണ് ധോണി. ചാമ്പ്യന്‍സ് ട്രോഫി കിരീടവും അദ്ദേഹം ഇന്ത്യക്കായി നേടിയിട്ടുണ്ട്.

ഇംഗ്ലണ്ടില്‍ നടന്ന ഏകദിന ലോകകപ്പാണ് ധോണിയുടെ കരിയറിലെ അവസാന പരമ്പര. ഇന്ത്യന്‍ ക്രിക്കറ്റ് കണ്ട ഏറ്റവും മികച്ച ക്യാപ്റ്റനായാണ് ധോണി അറിയപ്പെടുന്നത്. 2004 ഡിസംബറിലാണ് ധോണി രാജ്യാന്തര ക്രിക്കറ്റില്‍ അരങ്ങേറുന്നത്. രാജ്യാന്തര കരിയറുകളില്‍ ഇതുവരെ 90 ടെസ്റ്റുകളിലും 348 ഏകദിനത്തിലും 98 ട്വന്റി-20 മത്സരങ്ങളിലും ധോണി ഇന്ത്യയ്‌ക്കായി കളിക്കാനിറങ്ങി.

ഏകദിനത്തില്‍ മാത്രം 317 ക്യാച്ചുകളും 122 സ്റ്റംപിങ്ങുകളുമാണ് ധോണിയുടെ പേരിലുള്ളത്. ഏകദിനത്തിലെ ബെസ്റ്റ് ഫിനിഷറെന്നും ധോണി അറിയപ്പെടുന്നു. രണ്ട് ഏകദിനങ്ങളില്‍ ബൗളിംഗിലും കൈവെച്ച ധോണി ഒരു വിക്കറ്റും നേടിയിട്ടുണ്ട്.

https://www.instagram.com/tv/CD6ZQn1lGBi/?utm_source=ig_embed