ന്യൂയോര്‍ക്ക്: കൊറോണ മഹാമാരി ലോകത്തെ ഗ്രസിച്ച ശേഷമുള്ള ആറുമാസത്തെ കണക്കുകളുമായി റെഡ് ക്രോസ്സ്. അന്താരാഷ്‌ട്രതലത്തില്‍ കൊറോണയുടെ പേരില്‍നടന്ന ആസുത്രിത ആക്രമണങ്ങള്‍ 600 എണ്ണമാണെന്ന് റെഡ് ക്രോസ് അറിയിച്ചു.
ഫെബ്രുവരി മുതല്‍ ജൂലൈ വരെ 611 ആക്രമണങ്ങളാണ് നടന്നത്. 40 രാജ്യങ്ങളിലെ സംഭവങ്ങളെയാണ് റെഡ് ക്രോസ്സ് ക്രോഡീകരിച്ചത്. കൃത്യമായി പരാതി ലഭിക്കുകയും കേസ്സുകളെടുക്കുകയും ചെയ്തവ മാത്രമാണിതെന്നാണ് റെഡ് ക്രോസ് അവകാശപ്പെടുന്നത്. ഇതിന്റെ പത്തിരിട്ടിയെങ്കിലും രേഖപ്പെടുത്താത്ത പ്രശ്‌നങ്ങള്‍ നടന്നിരിക്കാമെന്നും റെഡ് ക്രോസ് പറഞ്ഞു.
വ്യക്തികളെ ശാരീരികമായി ഉപദ്രവിച്ച അക്രമങ്ങളാണ് 60 ശതമാനത്തിലധികമുള്ളത്.15 ശതമാനം വാക്കുകള്‍ കൊണ്ടും 15 ശതമാനം അവഗണിക്കല്‍ മുതലായ മാനസിക ആഘാതമുണ്ടാക്കുന്ന പ്രശ്‌നങ്ങളാണെന്നാണ് പഠനം. സമൂഹത്തിന് ഏറ്റവുമധികം ആവശ്യമുള്ള ആരോഗ്യപ്രവര്‍ത്തകരെയാണ് പലയിടത്തും ആക്രമിച്ചത്. ഏറ്റവും നിര്‍ണ്ണായക കാലഘട്ടത്തില്‍ ആക്രമിക്കുക എന്നത് അത്യന്തം അപലപനീയമാണെന്നും റെഡ് ക്രോസ് അധികൃതര്‍ പറഞ്ഞു.
